Gulbarga District Reported Crimes

ಅಪರಿಚಿತ ವ್ಯಕ್ತಿ ಮನೆಯ ಮಾಳಿಗೆಯಿಂದ ಬಿದ್ದು ಗಾಯಗೊಂಡ ಪ್ರಕರಣ :

ಅಶೋಕ ನಗರ ಠಾಣೆ : ದಿನಾಂಕ 08/06/2014 ರಂದು ರಾತ್ರಿ 9-30  ಪಿ.ಎಂ.ದ ಸುಮಾರಿಗೆ ಗೋದುತಾಯಿ ನಗರದ ಮದರ ತೆರೆಸಾ ಶಾಲೆಯ ಪಕ್ಕದಲ್ಲಿರುವ ಬಾಹುಬಲಿ ಜೈನ್ ರವರ ಮನೆಯ ಮೇಲಿಂದ ಅಂದಾಜು 25 ರಿಂದ 28 ವಯಸ್ಸಿನ ಅಪರಿಚಿತ ವ್ಯಕ್ತಿ ಜಾರಿ ಬಿದ್ದು ಕಾಲಿಗೆ ಮತ್ತು ತಲೆಗೆ ರಕ್ತಗಾಯಗೊಂಡು ಪ್ರಜ್ಞಾಹೀನ ಸ್ಥೀತಿಯಲ್ಲಿದ್ದು ಸದ್ಯ ಜಿಲ್ಲಾ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಈ ವ್ಯಕ್ತಿಯ ಶರ್ಟ ಕಾಲರ ಮೇಲೆ Super Tailar Shorapur  ಅಂತಾ ಲೇಬಲ ಇರುತ್ತದೆ. ಆದ್ದರಿಂದ ಸದರಿ ಭಾವಚಿತ್ರವುಳ್ಳ ವ್ಯಕ್ತಿಯ ಹೆಸರು ವಿಳಾಸ ಅಥವಾ ಆತನ ಸಂಬಂಧಿಕರ ಮಾಹಿತಿ ಸಿಕ್ಕಿಲ್ಲಿ ಅಶೋಕ ನಗರ ಪೊಲೀಸ್ ಠಾಣೆ ಗುಲಬರ್ಗಾಕ್ಕೆ ಮತ್ತು ಈ ಕೇಳಗೆ ನಮೂದಿಸಿದ ಮೋಬೈಲ ನಂಬರಗಳಿಗೆ ಸಂಪರ್ಕಿಸಲು ಕೊರಲಾಗಿದೆ.

ಕೊಲೆ ಪ್ರಕರಣ :

ಮಧೋಳ ಠಾಣೆ : ಶ್ರೀಮತಿ ಕಾಶಮ್ಮ ಗಂಡ ಹಣಮಪ್ಪ ಚಿನ್ನಂಟಿ ಸಾ: ಕಡಚರ್ಲಾ ಗ್ರಾಮ ಇವರಿಗೆ ಇಬ್ಬರೂ ಮಕ್ಕಳಿದ್ದು ನನ್ನ ಮಗನಾದ ಹುಸೇನಪ್ಪ ಈತನು ಮುಂಬೈಯಲ್ಲಿ ಕೆಲಸ ಮಾಡುತ್ತಿದ್ದು ಮಗಳಾದ ಹುಸೇನಮ್ಮ ಇವಳು ಅಂಗವಿಕಲಳಾಗಿರುತ್ತಾಳೆ. ನನ್ನ ಗಂಡನಾದ ಹಣಮಪ್ಪ ತಂದೆ ಬೋನಪ್ಪ ಚಿನ್ನಂಟಿ ಇವರು ಒಕ್ಕಲುತನ ಕೆಲಸ ಮಾಡುತ್ತಿದ್ದನು ನಮ್ಮ ಅಣ್ಣತಮ್ಮಕಿ ಯವರಾದ ಭೀಮಶಪ್ಪ ತಂದೆ ಆಶಪ್ಪ ಚಿನ್ನಂಟಿ ಇವರು ನಾಲ್ಕು ಜನ ಅಣ್ಣತಮ್ಮಂದಿರು ಇದ್ದು ಪ್ರತಿಯೊಬ್ಬರ ಪಾಲಿಗೆ ಆಸ್ತಿಯು ಕಡಿಮೆ ಬಂದಿರುತ್ತದೆ ಆದರೆ ನನ್ನ ಗಂಡನು ತಂದೆಗೆ ಒಬ್ಬನೆ ಮಗನಾಗಿದ್ದರಿಂದ ಈತನಿಗೆ ಹೆಚ್ಚಿಗೆ ಆಸ್ತಿ ಬಂದಿರುತ್ತದೆ. ಮತ್ತು ನಮ್ಮ ಹೊಲದಲ್ಲಿ ಬೋರವೆಲ್ ಹಾಕಿಸಿ ನೀರಾವರಿ ಮಾಡಿ ಬೆಳೆ ಬೆಳೆದಿದ್ದರಿಂದ ಇದನ್ನು ನೋಡಿ ಮೂರು ಜನ ಅಣ್ಣ ತಮ್ಮಂದಿರಾದ 1) ಹಸೇನಪ್ಪ ತಂದೆ ಆಶಪ್ಪ ಚಿನ್ನಂಟಿ 2) ಚಂದ್ರಪ್ಪ ತಂದೆ ಆಶಪ್ಪ ಚಿನ್ನಂಟಿ 3) ಭೀಮಶಪ್ಪ ತಂದೆ ಆಶಪ್ಪ ಚಿನ್ನಂಟಿ ಸಾ|| ಎಲ್ಲರು  ಕಡಚರ್ಲಾ ಇವರು ಹೊಟ್ಟೆಕಿಚ್ಚು ಪಡುತ್ತಾ ಏನಾದರು ಕೇಡು ಮಾಡಬೇಕು ಎಂದು ಯೊಚನೆ ಮಾಡುತ್ತಾ ಸುಮಾರು 6 ತಿಂಗಳಿನಿಂದ ತಕರಾರು ಮಾಡುತ್ತಾ ದ್ವೇಷ ಸಾದಿಸುತ್ತಾ ಬಂದಿದ್ದರು. ಅವರು ನಮ್ಮ ಸಂಗಡ ಮಾತನಾಡ ತ್ತಿರಲಿಲ್ಲಾ. ದಿನಾಂಕ: 08.06.14 ರಂದು ರಾತ್ರಿ 8 ಗಂಟೆ ಸುಮಾರಿಗೆ ನಾನು ಮತ್ತು ನನ್ನ ಗಂಡನಾದ ಹಣಮಪ್ಪ ತಂದೆ ಬೋನಪ್ಪ ಚಿನ್ನಂಟಿ ಹಾಗೂ ನನ್ನ ಮೊಮ್ಮಗಳಾದ ಪೂನಮ್ ಇವರು ಮನೆಯಲ್ಲಿದ್ದೇವು ಆಗ ಭೀಮಶಪ್ಪನ ಮಕ್ಕಳು ನಮ್ಮ ಮನೆಯಲ್ಲಿ ಟಿ ವಿ ನೊಡುತ್ತಾ ಕುಳಿತ್ತಿದ್ದರು ಆಗ ಹಸೇನಪ್ಪ ತಂದೆ ಆಶಪ್ಪ ಚಿನ್ನಂಟಿ, ಚಂದ್ರಪ್ಪ ತಂದೆ ಆಶಪ್ಪ ಚಿನ್ನಂಟಿ, ಭೀಮಶಪ್ಪ ತಂದೆ ಆಶಪ್ಪ ಚಿನ್ನಂಟಿ ಸಾ|| ಎಲ್ಲರೂ ಕಡಚರ್ಲಾ ಈ ಮೂರು ಜನರು ನಮ್ಮ ಮನೆಯ ಮುಂದೆ ಬಂದು ಮನೆಯಲ್ಲಿದ್ದ ನನ್ನ ಗಂಡನಿಗೆ ಏ ಬೋಸಡಿ ಮಗನೆ ಹೊರಗೆ ಬಾರಲೆ ನಮ್ಮ ಮಕ್ಕಳಿಗೆ ನೀಮಗೆ ಬೇಕಾದಂತೆ ನೀಮ್ಮ ಮನೆಯಲ್ಲಿ ಕೂಡಿಸಿಕೊಂಡಿದ್ದಿ ಅಂತಾ ಬೈಯ್ಯ ಹತ್ತಿದ್ದರು ಆಗ ನನ್ನ ಗಂಡನು ಮತ್ತು ನಾವು ಮನೆಯಿಂದ ಹೊರಗೆ ಬಂದಾಗ ನನ್ನ ಗಂಡನಿಗೆ ಮೂರು ಜನರು ಕೂಡಿ ಏ ಮಗನೆ ಇವತ್ತು ನಿನಗೆ ಮುಗಿಸಿಯೆ ಬಿಡುತ್ತೇವೆ ಅಂತಾ ಅನ್ನುತ್ತಾ ಕೈಗಳಿಂದ ಹೊಡೆಯುತ್ತಾ, ಕಾಲಿನಿಂದ ಒದೆಯುತ್ತಾ ನನ್ನ ಗಂಡನಿಗೆ ಮೂರು ಜನರು ಕೂಡಿ ಎಳೆದುಕೊಂಡು ತಮ್ಮ ಮನೆಯ ಮುಂದೆ ಒಯ್ದರು ಹಾಗೂ ಏ ಮಗನೆ ನಿನಗೆ ಸೊಕ್ಕು ಜಾಸ್ತಿ ಆಗ್ಯದ ನೀನು ನಮಗೆ ಮಣಿಯಲು ಆಗಿದಿ ಇವತ್ತು ನಿನಗೆ ಮುಗಿಸಿಯೆ ಬಿಡುತ್ತೇವೆ ಅನ್ನುತ್ತಾ ನನ್ನ ಗಂಡನಿಗೆ ಕೊಲೆ ಮಾಡುವ ಉದ್ದೇಶದಿಂದ ಹಸೇನಪ್ಪ ಇವನು ಕಾಲುಗಳಿಂದ ಹೊಟ್ಟೆಗೆ ಒದ್ದು ಒಳಪೆಟ್ಟು ಮಾಡಿದನು, ಭೀಮಶಪ್ಪ ಇವನು ಕಾಲಿನಿಂದ ಚೇರಿಗೆ ಒದ್ದನು, ಹಾಗೂ ಚಂದ್ರಪ್ಪ ಇವನು ಕುತ್ತಿಗೆ ಹಿಡಿದು ಹೆಡಕು ಹಿಡಿದು ಕೈಗಳಿಂದ ಹೊಡೆದು ಮೂರು ಜನರು ಕೂಡಿ ನೆಲದ ಮೇಲೆ ಕೆಡವಿದರು ಆಗ ನನ್ನ ಗಂಡನಿಗೆ ತಲೆಗೆ ಇತರೆ ಕಡೆ ಪೆಟ್ಟಾಗಿ ಸ್ಥಳದಲ್ಲಿಯೆ ಬೆವೂಸ ಆಗಿ ಬಿದ್ದನು. ಆಗ ಅಲ್ಲಿಯೆ ಬಾಜು ಇದ್ದ ನಾನು ಮತ್ತು ನನ್ನ ಮೊಮ್ಮಗಳಾದ ಪೂನಮ್ ಮತ್ತು ನಮ್ಮ ಓಣಿಯವರು ಕೂಡಿ ಒಂದು ಟಂ ಟಂ ಗಾಡಿಯನ್ನು ತಂದು ಅದರಲ್ಲಿ ನನ್ನ ಗಂಡನಿಗೆ ಹಾಕಿಕೊಂಡು ಮುಧೋಳ ಸರ್ಕಾರಿ ಆಸ್ಪತ್ರೆಯ ಕಡೆಗೆ ಹೊರಟಿದ್ದೇವು ರಾತ್ರಿ 9 ಗಂಟೆ ಸುಮಾರಿಗೆ ಮುಧೋಳ ಗ್ರಾಮ ಸಮೀಪ ಬಂದಾಗ ನನ್ನ ಗಂಡನಾದ ಹಣಮಪ್ಪ ಇವರು ಮೃತಪಟ್ಟಿರುತ್ತಾರೆ.  ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಮುಧೋಳು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹೆಣ್ಣು ಮಗುವನ್ನು ಬಿಟ್ಟು ಹೋದ ಪ್ರಕರಣ :

ಮಹಿಳಾ ಠಾಣೆ : ಶ್ರೀಮತಿ  ಶಿಲ್ಪಾ ಗಂಡ ರಾಜಶೇಖರಯ್ಯಾ ಹಲಕರಣಿಮಠ ಉ: ಅಧೀಕ್ಷಕರು ಅಮುಲ್ಯ ಶಿಶು ಗೃಹ ಗುಲಬರ್ಗಾ ಇವರು  ದಿನಾಂಕ: 26.06.2013 ರಂದು 5.00 ಪಿ.ಎಮ್ ಕ್ಕೆ ಪಂಚಶೀಲ್ ನಗರದ ಹನುಮಾನ ದೇವಸ್ಥಾನದ ಹತ್ತಿರ 2 ವರ್ಷದ ಅನಾಥ ಹೆಣ್ಣು ಮಗು ಪತ್ತೆಯಾಗಿದ್ದು ಆ ಮಗುವಿನ ಪಾಲಕರ ಪತ್ತೆ ಕುರಿತು ಪತ್ರಿಕಾ  ಪ್ರಕಟಣೆ ಸಾಮಾಜಿಕ ತನಿಖಾ ವರದಿ ಮಾಡಿಸಲಾಗಿದ್ದು . ಪಾಲಕರ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿರುವುದಿಲ್ಲಾ,. ಕಾರಣ ಸದರಿ ಮಗುವಿನ ಪಾಲನೇ  ಪೋಷಣೆ  ಕುರಿತು ಕಾನೂನು ಕ್ರಮ ಕೈಕೊಳ್ಳಬೇಕು ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಮಹಿಳಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.   

ಮಟಕಾ ಜೂಜಾಟ ನಿರತ ವ್ಯಕ್ತಿಗಳ ಬಂಧನ  :

ನಿಂಬರ್ಗಾ ಠಾಣೆ : ದಿನಾಂಕ 09/06/2014 ರಂದು ಭೂಸನೂರ ಗ್ರಾಮದ ಬಸ್ಸ ನಿಲ್ದಾಣದ ಹತ್ತಿರ ಸಾರ್ವಜನಿಕ ರೋಡಿನ ಮೇಲೆ ಒಬ್ಬ ವ್ಯಕ್ತಿ ಮಟಕಾ ಜೂಜಾಟ ನಡೆಸುತ್ತಿದ್ದಾನೆ ಅಂತ ಮಾಹಿತಿ ಬಂದ ಮೇರೆಗೆ ಶ್ರೀ ಸಂತೋಷ ಎಸ್ ರಾಠೋಡ ಪಿ.ಎಸ್.ಐ ನಿಂಬರ್ಗಾ ಪೊಲೀಸ ಠಾಣೆ  ಹಾಗು ಸಿಬ್ಬಂದಿ ಮತ್ತು ಪಂಚರೋಂದಿಗೆ ಬಾತ್ಮಿ ಬಂದ ಸ್ಥಳವಾದ ಭೂಸನೂರ ಗ್ರಾಮದ ಬಸ್ಸ ನಿಲ್ದಾಣದ ಹತ್ತಿರ ಮರೆಯಾಗಿ ನಿಂತು ನೋಡಲಾಗಿ ಎದುರುಗಡೆ ಸಾರ್ವಜನಿಕ ರೋಡಿನ ಮೇಲೆ ಒಬ್ಬ ವ್ಯಕ್ತಿ ಸಾರ್ವಜನಿಕರಿಂದ ಹಣ ಪಡೆದು ಓಪನ ನಂಬರ ಬಂದರೆ 1 ರೂಪಾಯಿಗೆ 8 ರೂಪಾಯಿ ಗೆಲ್ಲಿರಿ ಅಂತ ಮತ್ತು ಜಾಯಿಂಟ ನಂಬರ ಬಂದರೆ 1 ರೂಪಾಯಿಗೆ 80 ರೂಪಾಯಿ ಗೆಲ್ಲಿರಿ ಅಂತ ಕೂಗುತ್ತಾ ಮಟಕಾ ಅಂಕೆ ಸಂಖ್ಯೆಯುಳ್ಳ ಚೀಟಿಗಳನ್ನು ಬರೆದುಕೊಡು ತ್ತಿರುವದನ್ನು ಖಚಿತ ಪಡಿಸಿಕೊಂಡು ದಾಳಿ ಮಾಡಿ ಹಿಡಿದು ವಿಚಾರಿಸಲು ತನ್ನ ಹೆಸರು ಚಂದ್ರಕಾಂತ ತಂದೆ ಶಿವಶರಣಪ್ಪ ಕಣ್ಣಿ ಸಾ :  ದೇವಂತಗಿ ಗ್ರಾಮ ಅಂತ ತಿಳಿಸಿದನು ಅವನನ್ನು ಚೆಕ ಮಾಡಲಾಗಿ ಮಟಕಾ ಜೂಜಾಟಕ್ಕೆ ಬಳಿಸಿರುವ 01] ನಗದು ಹಣ 560/-, 02] ಒಂದು ಮಟಕಾ ಅಂಕಿ ಸಂಖ್ಯೆಯುಳ್ಳ ಚೀಟಿ, 03] ಒಂದು ಬಾಲ ಪೆನ್ನ ನೇದ್ದವುಗಳನ್ನು ವಶಪಡಿಸಿಕೊಂಡು ಸದರಿಯವನೊಂದಿಗೆ ಠಾಣೆಗೆ ಬಂದು ನಿಂಬರ್ಗಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸೇಡಂ ಠಾಣೆ : ದಿನಾಂಕ 09-06-2014 ರಂದು 1100 ಗಂಟೆಗೆ ಹಂದರಕಿ ಗ್ರಾಮದ ಗೇಟ್ ಹತ್ತಿರ ಒಬ್ಬ ವ್ಯಕ್ತಿ ಮಟಕಾ ಜೂಜಾಟ ಆಡುತ್ತಿದ್ದಾನೆ ಅಂತ ಖಚಿತ ಬಾತ್ಮಿ ಮೇರೆಗೆ ಶ್ರೀ ಸುಭಾಶ್ಚಂದ್ರ ಎ.ಎಸ್.ಐ. ಹಾಗು ಸಿಬ್ಬಂದಿ ತಮ್ತು ಪಂಚರೊಂದಿಗೆ ಹಂದರಕಿ ಗ್ರಾಮದ ನಾಚವಾರ ಗೇಟ್ ಹತ್ತಿರ  ತಲುಪಿ ಗ್ರಾಮ ಪಂಚಾಯತ ಕಾರ್ಯಾಲಯದ ಹತ್ತಿರ ನಡೆದುಕೊಂಡು ಹೋಗಿ ನೊಡಲಾಗಿ ಒಬ್ಬ ವ್ಯಕ್ತಿ ಗೇಟ್ ಹತ್ತಿರ ನಿಂತು ಸಾರ್ವಜನಿಕರಿಗೆ ಇದು ಬಾಂಬೈ ಮಟಕಾ ಇದೆ 1 ರೂಪಾಯಿಗೆ 80 ರೂಪಾಯಿ ಕೊಡುತ್ತೇನೆ ಅಂತ ಸಾರ್ವಜನಿಕರಿಂದ ಹಣ ಪಡೆದು ಮಟಕಾ ನಂಬರ್ ಬರೆದುಕೊಳ್ಳುತ್ತಾ ಜನರಿಗೆ ಮೋಸ ಮಾಡುತ್ತಿರುವದನ್ನು ಖಚಿತಪಡಿಸಿಕೊಂಡು ದಾಳಿ ಮಾಡಿ ಹಿಡಿದು ಸದರಿಯವನ ಹೆಸರು ವಿಚಾರಿಸಲಾಗಿ ತನ್ನ ಹೆಸರು, ಚಂದ್ರಶೇಖರ ತಂದೆ ರೇವಣಸಿದ್ದಯ್ಯ ಗಣಾಚಾರಿ ಸಾ:ಸುಲೇಗಾಂವಗಲ್ಲಿ, ಚಿತ್ತಾಪೂರ. ಅಂತ ತಿಳಿಸಿದ್ದು ಆತನ ಹತ್ತಿರ ಒಟ್ಟು ನಗದು ಹಣ 4040=00 ರೂಪಾಯಿ, ಒಂದು ಬಾಲಪೆನ್, ಎರಡು ಮಟಕಾ ನಂಬರ್ ಬರೆದ ಚೀಟಿಗಳು, ಎರಡು ಮೊಬೈಲಗಳು ಅಂ.ಕಿ 2000/- ರೂಪಾಯಿನೇದ್ದು ಜಪ್ತಿ ಮಾಡಿಕೊಂಡು ಸದರಿಯವನೊಂದಿಗೆ ಠಾಣೆಗೆ ಬಂದು ಸದರಿಯವನ ವಿರುದ್ಧ ಸೇಡಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.