POLICE BHAVAN KALABURAGI

POLICE BHAVAN KALABURAGI

15 December 2018

KALABURAGI DISTRICT REPORTED CRIMES

ಅಕ್ರಮವಾಗಿ ನಾಡ ಪಿಸ್ತೂಲ ಇಟ್ಟುಕೊಂಡವನ ಬಂಧನ :
ಅಫಜಲಪೂರ ಠಾಣೆ : ದಿನಾಂಕ 14-12-2018 ರಂದು ಆಳಂದ ಕಡೆಯಿಂದ ದುಧನಿ ಮಾರ್ಗವಾಗಿ ಒಬ್ಬ ವ್ಯೆಕ್ತಿ ಪಿಸ್ತೂಲು ಇಟ್ಟುಕೊಂಡು ಮೋಟರ ಸೈಕಲ ಮೇಲೆ ಅಫಜಲಪೂರ ಕಡೆಗೆ ಬರುತ್ತಿದ್ದಾರೆ ಅಂತ ಮಾಹಿತಿ ಬಂದ ಮೇರೆಗೆ ಶ್ರೀ ಮಂಜುನಾಥ ಹೂಗಾರ ಪಿ.ಎಸ್. ಅಫಜಲಪೂರ ಪೊಲೀಸ್ ಠಾಣೆ  ಹಾಗು ಸಿಬ್ಬಂದಿ ಮತ್ತು ಪಂಚರೊಂದಿಗೆ ಮೇಲಾಧಿಕಾರಿಗಳ ಮಾರ್ಗದರ್ಶನದಲ್ಲಿ ಅಫಜಲಪೂರದುಧನಿ ರಸ್ತೆಗೆ ಇರುವ ಹಳ್ಯಾಳ ಕ್ರಾಸ ನಿಂತುಕೊಂಡು ದುಧನಿ ಕಡೆಯಿಂದ ಬರುವಂತಹ ಮೋಟರ ಸೈಕಲಗಳ ಮೇಲೆ ನಿಗಾ ಇಟ್ಟು, ಮೋಟರ ಸೈಕಲಗಳನ್ನು ಚೆಕ್ ಮಾಡುತ್ತಿದ್ದೇವು, ದುಧನಿ ಕಡೆಯಿಂದ ಒಂದು ಮೋಟರ ಸೈಕಲ ಮೇಲೆ ಬರುತ್ತಿದ್ದ ಒಬ್ಬ ವ್ಯೆಕ್ತಿ ನಮ್ಮನ್ನು ನೋಡಿ ಮೋಟರ ಸೈಕಲನ್ನು ದುಧನಿ ಕಡೆಗೆ ತಿರುಗಿಸಿ ಮೋಟರ ಸೈಕಲನ್ನು ಅತಿವೇಗವಾಗಿ ಓಡಿಸಿಕೊಂಡು ಹೊರಟನು. ಆಗ ನಮಗೆ ಸದರಿಯವನ ಮೇಲೆ ಬಲವಾದ ಸಂಶಯ ಬಂದು ನಮ್ಮ ಇಲಾಖಾ ವಾಹನದಲ್ಲಿ ಪಂಚರೊಂದಿಗೆ ಬೆನ್ನಟ್ಟಿಕೊಂಡು ಹೋಗಿ ಮುಂದೆ ದುಧನಿ ರೋಡಿಗೆ ಇರುವ ಪ್ರಗತಿ ಡಾಬಾದ ಹತ್ತಿರ ಮೋಟರ ಸೈಕಲಕ್ಕೆ ನಮ್ಮ ಇಲಾಖಾ ವಾಹನವನ್ನು ಅಡ್ಡಲಾಗಿ ನಿಲ್ಲಿಸಿ ಸದರಿಯವನನ್ನು ಸುತ್ತುವರೆದು ಸದರಿ ವ್ಯೆಕ್ತಿಯನ್ನು ಹಿಡಿದು ಹೆಸರು ವಿಳಾಸ ವಿಚಾರಿಸಲಾಗಿ ಶ್ರೀಮಂತ ತಂದೆ ಸದಾಶಿವ ದಣ್ಣೂರೆ ಸಾ|| ನಿರಗುಡಿ ತಾ|| ಆಳಂದ ಅಂತ ತಿಳಿಸಿದನು. ನಂತರ ಸದರಿಯವನನ್ನು ಪಂಚರ ಸಮಕ್ಷಮ ಚೆಕ್ ಮಾಡಲಾಗಿ ಸದರಿಯವನ ಹತ್ತಿರ ಪ್ಯಾಂಟಿನ ಜೇಬಿನಲ್ಲಿ ಒಂದು ನಾಡ ಪಿಸ್ತೂಲು ದೊರೆಯಿತು. ಸದರಿಯವನಿಗೆ ಪಿಸ್ತೂಲ ಬಗ್ಗೆ ವಿಚಾರಿಸಲು, ಸದರಿ ಪಿಸ್ತೂಲನ್ನು ಮಾದನ ಹಿಪ್ಪರಗಾದ ಅಶೋಕ ಎಂಬುವವನ ಹತ್ತಿರ 20,000/- ರೂ ಖರಿದಿ ಮಾಡಿರುತ್ತೇನೆ. ಸದರಿ ಅಶೋಕನು ಈಗಾಗಲೆ ಮೃತಪಟ್ಟಿರುತ್ತಾನೆ. ನಾನು ಪಿಸ್ತೂಲನ್ನು ಕಡಿಮೆ ರೇಟಿಗೆ ಖರೀದಿ ಮಾಡಿ, ಹೆಚ್ಚಿನ ರೇಟಿಗೆ ಮಾರಾಟ ಮಾಡಲು ತಗೆದುಕೊಂಡಿರುತ್ತೇನೆ. ಇಂದು ಅಫಜಲಪೂರದಲ್ಲಿ ಯಾರಿಗಾದರೂ ಮಾರಾಟ ಮಾಡಬೇಕು ಎಂದು ಮೋಟರ ಸೈಕಲ ಮೇಲೆ ತಗೆದುಕೊಂಡು ಹೋಗುತ್ತಿದ್ದೇನೆ. ಸದರಿ ಪಿಸ್ತೂಲು ನಾಡ ಪಿಸ್ತೂಲು ಇದ್ದು, ಇದಕ್ಕೆ ಯಾವುದೆ ಪರನಾನಿಗೆ ಇರುವುದಿಲ್ಲ ಅಂತಾ ತಿಳಿಸಿದನು. ಸದರಿ ಮೋಟರ ಸೈಕಲ ಪರಿಶೀಲಿಸಿ ನೋಡಲಾಗಿ ಹಿರೋ ಹೆಚ್.ಎಫ್ ಡಿಲೆಕ್ಸ ಕಂಪನಿಯ ಕೆಂಪು ಬಣ್ಣದ್ದು ಇದ್ದು ನಂ ಕೆಎ-32 ಇಕೆ-6280 ಇರುತ್ತದೆ. ಸದರಿ ಆರೋಪಿತನು ಅಕ್ರಮವಾಗಿ ಇಟ್ಟುಕೊಂಡ ಒಂದು ನಾಡ ಪಿಸ್ತೂಲು ||ಕಿ|| 30,000/- ರೂ ನ್ನು ಹಾಗೂ ಪಿಸ್ತೂಲು ಮಾರಾಟ ಮಾಡಲು ಬಳಸಿದ ಹಿರೋ ಹೆಚ್.ಎಫ್ ಡಿಲೆಕ್ಸ ಕಂಪನಿಯ ಕೆಂಪು ಬಣ್ಣದ್ದು ಇದ್ದು ನಂ ಕೆಎ-32 ಇಕೆ-6280 ಅಕಿ-25,000/- ರೂ ನೇದ್ದನ್ನು ಪಂಚರ ಸಮಕ್ಷಮ ಜಪ್ತಿ ಪಂಚನಾಮೆ ಮೂಲಕ ಪಂಚರ ಸಮಕ್ಷಮ ಜಪ್ತ ಮಾಡಿಕೊಂಡು ಸದರಿಯವನೊಂದಿಗೆ ಅಫಜಲಪೂರ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.
ಅಪಘಾತ ಪ್ರಕರಣ :
ಯಡ್ರಾಮಿ ಠಾಣೆ : ದಿನಾಂಕ: 14-12-2018 ರಂದು ಅಯ್ಯಣ ಮುತ್ಯಾನ ಜಾತ್ರೆಗೆ ಶ್ರೀ ದೇವರಾಜ ತಂದೆ ಬಸವರಾಜ ಪೂಜಾರಿ ಸಾ|| ಮದ್ದರಕಿ ತಾ|| ಶಹಾಪುರ ರವರು ನಮ್ಮ ತಮ್ಮ ಶಿವರಾಜ ಹಾಗು ನಮ್ಮೂರ ರಾಜೇಂದ್ರ ತಂದೆ ಸಿದ್ರಾಮಪ್ಪ ಬಿಳವಾರ, ಮಹೇಶ ತಂದೆ ಶರಣಯ್ಯಾ ಸ್ಥಾವರಮಠ, ರಮೇಶ ತಂದೆ ಮಲ್ಲಪ್ಪ ನೈಕೋಡಿ ಹಿಗೆಲ್ಲರೂ ಕೂಡಿ ಖಾಸಗಿ ವಾಹನದಲ್ಲಿ ಜಮಖಂಡಿಗೆ ಬಂದಿರುತ್ತೇವೆ, ನಂತರ ಮದ್ಯಾಹ್ನ 3-00 ಗಂಟೆಯ ಸುಮಾರಿಗೆ ಮೂತ್ರ ವಿಸರ್ಜನೆ ಮಾಡಲು ನಾನು ನಮ್ಮ ತಮ್ಮ ಶಿವರಾಜ ಹಾಗೂ ನಮ್ಮೊಂದಿಗೆ ಇದ್ದ ರಾಜೇಂದ್ರ, ಮಹೇಶ, ರಮೇಶ ಎಲ್ಲರೂ ಕೂಡಿ ಜಮಖಂಡಿಯಿಂದ ನಡೆದುಕೊಂಡು ಕೊಣ್ಣೂರ ಕ್ರಾಸ ಕಡೆ ರಸ್ತೆಯ ಎಡಬದಿಯಿಂದ ಹೋಗುತ್ತಿದ್ದೆವು ನಮ್ಮ ತಮ್ಮ ಶಿವರಾಜ ಇವನು ನಮ್ಮಿಂದ ಸ್ವಲ್ಪ ಮುಂದೆ ಹೋಗುತ್ತಿದ್ದನು, ಆಗ ಎದುರುಗಡೆಯಿಂದ ಇಳಿಜಾರಿಗೆ ಮೂರು ಚಾಕಿನ ಟಂಟಂ ಗೂಡ್ಸ್ ವಾಹನದ ಚಾಲಕ ತನ್ನ ವಾಹನವನ್ನು ಅತಿವೇಗವಾಗಿ ಚಲಾಸಿಕೊಂಡು ಬಂದು ನಮ್ಮ ತಮ್ಮ ಶಿವರಾಜನಿಗೆ ಎದುರುಗಡೆಯಿಂದ ಡಿಕ್ಕಿ ಪಡೆಸಿದಾಗ ನಮ್ಮ ತಮ್ಮನ ಎಡಗಲ್ಲಿಗೆ, ಎಡಮೆಲಕಿಗೆ ಮತ್ತು ತಲೆಗೆ ಭಾರಿ ಓಳಪೆಟ್ಟಾಗಿ ಅಲ್ಲಲ್ಲಿ ರಕ್ತ ಬಂದಿರುತ್ತದೆ, ಅದರಂತೆ ಎರಡು ಕಿವಿಗಳಿಂದ ಸಹ ರಕ್ತ ಸೋರುತ್ತಿತ್ತು, ನಂತರ ಅಪಘಾತ ಪಡಿಸಿದ ಟಂಟಂ ಗೂಡ್ಸ್ ವಾಹನದ ಚಾಲಕ ತನ್ನ ವಾಹನವನ್ನು ಸ್ಥಳದಲ್ಲೆ ಬಿಟ್ಟು ಓಡಿಹೋಗಿರುತ್ತಾನೆ, ವಾಹನದ ನಂಬರ ನೋಡಿದ್ದು ಅದರ ನಂ ಕೆ.-32/ಡಿ-2583 ನೇದ್ದು ಇರುತ್ತದೆ. ನಂತರ ನಮ್ಮ ತಮ್ಮನಿಗೆ ಉಪಚಾರ ಕುರಿತು ನಾವು ತಂದ ಖಾಸಗಿ ವಾಹನದಲ್ಲಿ ಹಾಕಿಕೊಂಡು ಯಡ್ರಾಮಿ ಸರಕಾರಿ ಆಸ್ಪತ್ರೆಗೆ ಬರುವಾಗ ಯಡ್ರಾಮಿ ಕೆನಾಲ ಹತ್ತಿರ 4;00 ಪಿ.ಎಂ ಕ್ಕೆ ನಮ್ಮ ತಮ್ಮ ಮೃತ ಪಟ್ಟಿರುತ್ತಾರೆ, ನಂತರ ಅವನ ಶವವನ್ನು ಯಡ್ರಾಮಿ ಸರಕಾರಿ ಆಸ್ಪತ್ರೆಯಲ್ಲಿ ತಂದು ಹಾಕಿರುತ್ತೇವೆ.  ಮೇಲ್ಕಂಡ ಟಂಟಂ ಗೂಡ್ಸ್ ವಾಹನ ಕೆ.-32/ಡಿ-2583 ನೇದ್ದರ ಚಾಲಕನು ತನ್ನ ವಾಹನವನ್ನು ಅತಿವೇಗವಾಗಿ ಮತ್ತು ನಿಸ್ಕಾಳಜಿತನಿದಿಂದ ಚಲಾಯಿಸಿಕೊಂಡು ಬಂದು ನಮ್ಮ ತಮ್ಮ ಶಿವರಾಜನಿಗೆ ಎದುರುಗಡೆಯಿಂದ ಡಿಕ್ಕಿ ಹೊಡೆದು ಅಪಘಾತ ಪಡಿಸಿ ಓಡಿಹೋಗಿರುತ್ತಾನೆ, ಅಪಘಾತದಲ್ಲಿ ನಮ್ಮ ತಮ್ಮನಿಗೆ ಭಾರಿಗಾಯಗಳಾಗಿ ಮೃತ ಪಟ್ಟಿರುತ್ತಾನೆ.  ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಯಡ್ರಾಮಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.