KALABURAGI DISTRICT REPORTED CRIMES

ಅಪಘಾತ ಪ್ರಕರಣ :

ಅಫಜಲಪೂರ ಠಾಣೆ : ದಿನಾಂಕ 11/12/2019 ರಂದು ಬೆಳಿಗ್ಗೆ ಶ್ರೀಮತಿ ಇಂದ್ರಾಬಾಯಿ ಗಂಡ ಮಲ್ಲಿಕಾರ್ಜುನ ಜಮಾದಾರ ಸಾ: ಸೊನ್ನ ರವರಿಗೆ  ಒಂದು ಫೋನ್ ಕರೆ ಬಂದು ಫೋನ್ ಮಾಡಿದವರು ಶ್ರೀ ಬಸವಂತ ತಂದೆ ಲಕ್ಷ್ಮಣ ತಳವಾರ ಇವರು ಹೇಳಿದ್ದೇನೆಂದರೆ ಅಫಜಲಪೂರ-ವಿಜಯಪೂರ ರೋಡ ಶಿವಲಿಂಗ ಜಮಾದಾರ ರವರ ಹೊಲದ ಹತ್ತಿರ ನಿನ್ನ ಗಂಡ ಮಲ್ಲಿಕಾರ್ಜುನ ಮತ್ತು ನಾನು ಇಬ್ಬರು ಕೂಡಿಕೊಂಡು ವಾಕಿಂಗ್ ಗೆ ಹೋಗುತ್ತಿದ್ದಾಗ ನಾನು ಮೂತ್ರ ವಿಸರ್ಜನೆಗೆಂದು ರಸ್ತೆಯ ಬದಿಗೆ ಹೋದಾಗ ಹಿಂದಿನಿಂದ ಒಂದು ಕಾರು ಅಂದರ ಸ್ವಿಪ್ಟ ಡಿಜಾಯರ ದೇವಣಗಾಂವ ಕಡೆಯಿಂದ ಅತೀವೇಗವಾಗಿ ಮತ್ತು ನಿಸ್ಕಾಳಜಿತನದಿಂದ ಅಡ್ಡಾ ದಿಡ್ಡಿಯಾಗಿ ಎಡಗಡೆ ಹೋಗುತ್ತಿದ್ದ ನಿನ್ನ ಗಂಡನಿಗೆ ವೇಗವಾಗಿ ಗುದ್ದಿತು ಆಗ ನಿನ್ನ ಗಂಡನ ಕಾಲಿನ ಮೇಲೆ, ಟೊಂಕದ ಮೇಲೆ ಹಾಯ್ದು ಹೋಗುವಾಗ ನಾನು ನೋಡಲಾಗಿ ಬಿಳಿ ಬಣ್ಣದ ಸ್ವೀಪ್ಟ ಡಿಜಾಯರ ಕಾರ ಹಿಂದಿನಿಂದ ಗುದ್ದಿದೆ ಕಾರ ನಂಬರ ಕೆಎ-28-ಪಿ-0850 ಇದ್ದು ಅಪಘಾತ ಪಡೆಸಿ ಅಫಜಲಪೂರ ಕಡೆ ಕಾರ ಸಮೇತ ಓಡಿ ಹೋಗಿತ್ತಾನೆಂದು ಆಗ ಪ್ರತ್ಯಕ್ಷ ನೋಡಿದ ಬಸವಂತ ತಳವಾರ ಹಾಗೂ ರಸ್ತೆಯ ಮೇಲೆ ಹೊರಟ ಇತರರು ನೋಡಿ ನನಗೆ ಹೇಳಿದ್ದರಿಂದ ನಾನು ನನ್ನ ಮಕ್ಕಳೊಂದಿಗೆ, ಗ್ರಾಮಸ್ಥರೊಂದಿಗೆ ಸ್ಥಳಕ್ಕೆ ಬಂದು ನೋಡಲಾಗಿ ಬಲಗಾಲಿಗೆ, ಬಲಟೊಂಕಕ್ಕೆ ಮತ್ತು ತಲೆ, ಹಣೆಗೆ, ಮುಖಕ್ಕೆ ಮತ್ತು ಇತರೆ ಕಡೆ ಭಾರಿ ಪ್ರಮಾಣದ ಗಾಯವಾಗಿ ರಕ್ತ ಸ್ರಾವಗೊಂಡು ಮೃತಪಟ್ಟಿದ್ದು ಕಂಡು ಬಂತು ನಾನು ಬಂದು ನನ್ನ ಗಂಡನಿಗೆ ಅಪಘಾತ ಪಡೆಸಿದ ಕಾರ ಚಾಲಕ ರಹೀಮ ಬೇಗ ಸಾ: ಇಂದಿರಾ ನಗರ ಅಫಜಲಪೂರ ಇತನ ಮೇಲೆ ಕಾನೂನು ಕ್ರಮ ತಗೆದುಕೊಳ್ಳಬೇಕೆಂದು ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಅಫಜಲಪೂರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಲ್ಲೆ ಪ್ರಕರಣ :

ವಾಡಿ ಠಾಣೆ : ಶ್ರೀಮತಿ ಜಗದೇವಿ ಗಂಡ ಚಂದ್ರಕಾಂತ ದೊಡ್ಡಮನಿ ಮು:ಕುನ್ನೂರ ರವರು ದಿನಾಂಕ 06/12/2019 ರಂದು ಮದ್ಯಾಹ್ನ 01-00 ಗಂಟೆ ಸುಮಾರು ನಾನು ಮನೆಯಲ್ಲಿದ್ದಾಗ ನಮ್ಮ ಓಣಿಯ ರಾಜು ತಂದೆ ಭೀಮರಾಯ ದೊಡ್ಡಮನಿ ಇತನು ಮದ್ಯಪಾನ ಮಾಡಿ ನನ್ನ ಮನೆಗೆ ಬಂದು ನಿನ್ನ ಗಂಡ ಎಲ್ಲಿದ್ದಾನೆ ಅಂತಾ ಕೇಳಿದನು ಆಗ ನಾನು ಅವರು ಕೆಲಸಕ್ಕೆ ಹೋಗಿದ್ದಾರೆ ಅಂತಾ ಹೇಳಿದಾಗ ರಾಜು ಇತನು ನನ್ನೊಂದಿಗೆ ವಿನಾಕಾರಣ ತಕರಾರು ಮಾಡಿಕೊಂಡು ಹೋಗಿದ್ದು ಇರುತ್ತದೆ. ನಂತರ ಸಾಯಂಕಾಲ ನನ್ನ ಗಂಡ ಮನೆಗೆ ಬಂದಾಗ ಈ ವಿಷಯ ನನ್ನ ಗಂಡನಿಗೆ ತಿಳಿಸಿರುತ್ತೆನೆ. ನಿನ್ನೆ ದಿನಾಂಕ 10/12/2019 ರಂದು ಮದ್ಯಾಹ್ನ 02-00 ಗಂಟೆ ಸುಮಾರು ಈ ಬಗ್ಗೆ ರಾಜು ಮತ್ತು ಆತನ ಮನೆಯವರಿಗೆ ಕರೆಯಿಸಿ ಆತನಿಗೆ ಬುದ್ದಿವಾದ ಹೇಳಿ ಕಳುಹಿಸಿದರು. ನಂತರ ರಾತ್ರಿ 10-00 ಗಂಟೆ ಸುಮಾರು ನಾನು, ನನ್ನ ಗಂಡ ಮನೆಯಲ್ಲಿ ಊಟ ಮಾಡಿ ಮಲಗಿಕೊಂಡಾಗ ರಾತ್ರಿ 11-00 ಗಂಟೆ ಸುಮಾರು ನಮ್ಮ ಮನೆಯವರಿಗೆ ಯಾರೋ ಕೂಗಿದ ಹಾಗೇ ಶಬ್ದ ಕೇಳಿ ನಾನು ಮತ್ತು ನನ್ನ ಗಂಡ ಮನೆಯ ಹೊರಗಡೆ ಬಂದು ನೋಡಲಾಗಿ ನಮ್ಮ ಗ್ರಾಮದ ರಾಜು ತಂದೆ ಭೀಮರಾಯ ದೊಡ್ಡಮನಿ, ಅಶೋಕ ತಂದೆ ಶ್ಯಾಮರಾಯ ದೊಡ್ಡಮನಿ, ಸಚಿನ ತಂದೆ ಶ್ಯಾಮರಾಯ ದೊಡ್ಡಮನಿ, ಅಂಬ್ರೇಷ ತಂದೆ ಭೀಮರಾಯ ದೊಡ್ಡಮನಿ, ಅನುಸುಬಾಯಿ ಗಂಡ ಭೀಮರಾಯ ದೊಡ್ಡಮನಿ, ರಾಜಶ್ರೀ ಗಂಡ ರಾಜಪ್ಪ ಮುಗಟಾ,ರಾಜು ಇವರ ಸಂಬಂಧಿಕರಾದ ಗೌತಮ ತಂದೆ ನವರಂಗ, ಸದೇಶ ತಂದೆ ನವರಂಗ ಮು:ಇಬ್ಬರೂ ತಾರಫೇಲ್ ಕಲಬುರಗಿ ಹಾಗೂ ಇತರ 7-8 ಜನರಿದ್ದು ಅವರಲ್ಲಿ ರಾಜು ಇತನು ನನಗೆ ‘’ಬೋಸಡಿ ನಿನ್ನ ಸೊಕ್ಕು ಹೆಚ್ಚಾಗಿದೆ ಅಂತಾ ನನ್ನ ಬಲಗೈ ಹಿಡಿದು ಜಗ್ಗಾಡಿದ್ದು ಆಗ ನನ್ನ ಗಂಡ ಅವಳಿಗೆ ಏಕೆ ಜಗ್ಗಾಡುತ್ತಿ ಅಂತಾ ಕೇಳಿದಾಗ ನನ್ನ ಗಂಡನಿಗೆ ಅಶೋಕ ಮತ್ತು ಸಚಿನ ಕೈಯಿಂದ ಹೊಡೆ ಬಡೆ ಮಾಡ ಹತ್ತಿದರು. ಆಗ ಜಗಳದ ಬಾಯಿ ಕೇಳಿ ನಮ್ಮ ಚಿಕ್ಕಪ್ಪ ಬಸವರಾಜ ತಂದೆ ಲಾಲಪ್ಪ, ಮಸ್ತಾನ ತಂದೆ ಲಾಲಪ್ಪ, ಅತ್ತೆ ರತ್ನಾಬಾಯಿ ಗಂಡ ಲಾಲಪ್ಪ,ಸರಸ್ವತಿ ಗಂಡ ಭೀಮರಾಯ, ಬಸವರಾಜ ತಂದೆ  ಮರೆಪ್ಪ ರವರು ಬಂದು ವಿನಾಕಾರಣ ಯಾಕೇ ಹೊಡೆಯುತ್ತಿರಿ ಇವತ್ತು ಮದ್ಯಾಹ್ನ ಪಂಚಾಯತಿ ಮಾಡಿ ಬಗೆ ಹರಿಸಿರುತ್ತೆವೆ ಅಂತಾ ಹೇಳಿದಾಗ ಬಸವರಾಜ ತಂದೆ ಲಾಲಪ್ಪ ಇತನಿಗೆ ಅಶೋಕ ಇತನು ತನ್ನ ಕೈಯಲ್ಲಿದ್ದ ಬಡಿಗೆಯಿಂದ ಹಣೆಗೆ ಹೊಡೆದು ರಕ್ತಗಾಯಪಡಿಸಿದನು, ಸಚಿನ  ಮತ್ತು ಅಂಬ್ರೇಷ ಇವರು ಮಸ್ತಾನ ಹಾಗೂ ಬಸವರಾಜ  ಇವರಿಗೆ ಕೈಯಿಂದ ಮೈ ಮೇಲೆ ಹೊಡೆ ಬಡೆ ಮಾಡ ಹತ್ತಿದ್ದು ಅಲ್ಲದೇ ಗೌತಮ ಇತನು ಅಲ್ಲೇ ಬಿದ್ದ ಕಲ್ಲನ್ನು ತೆಗೆದುಕೊಂಡು ಮಸ್ತಾನ ಇತನ ಬಲ ಹೊಟ್ಟೆಗೆ ಹೊಡೆದು ರಕ್ತಗಾಯಪಡಿಸಿರುತ್ತಾನೆ. ಸಂದೇಶ ಇತನು ಬಸವರಾಜ ತಂದೆ ಮರೆಪ್ಪ ಇತನಿಗೆ ಕೈಯಿಂದ ಮೈ ಮೇಲೆ ಹೊಡೆ ಬಡೆ ಮಾಡಿದ್ದು ಅಲ್ಲದೇ ಅನುಸುಬಾಯಿ, ರಾಜಶ್ರೀ ಇವರು ಸರಸ್ವತಿ ಇವಳಿಗೆ ಕೈಯಿಂದ ಮೈ ಮೇಲೆ ಹೊಡೆ ಬಡೆ ಮಾಡಿ ಹಾಟ್ಯಾನ್ ಮಕ್ಕಳಿಗೆ ಹೊಡೆಯರಿ ಬೀಡಬ್ಯಾಡರಿ ಸೊಕ್ಕು ಹೆಚ್ಚಾಗಿದೆ ಅಂತಾ ಬೈಯುತ್ತಿದ್ದು ಆಗ ಶರಣಬಸಪ್ಪ ತಂದೆ ಲಾಲಪ್ಪ ಮತ್ತು ಈಶ್ವರಾಜ ತಂದೆ ಮರೆಪ್ಪ ರವರು ಬಂದು ಜಗಳ ಬಿಡಿಸಿರುತ್ತಾರೆ. ಆಗ ಉಳಿದವರು ಸೂಳೇ ಮಕ್ಕಳೆ ನಿಮ್ಮ ಸೊಕ್ಕು ಹೆಚ್ಚಾಗಿದೆ ರಾಜು ಮತ್ತು ಅಶೋಕ ಇವರ ತಂಟೆಗೆ ಹೋದರೆ ನಿಮಗೆ ಖಲಾಸ  ಮಾಡುತ್ತೆವೆ ಅಂತಾ ಜೀವದ ಬೆದರಿಕೆ ಹಾಕುತ್ತ ಹೊರಟು ಹೋಗಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

KALABURAGI DISTRICT PRESS NOTE

Press Note 

2019 ನೇ ಸಾಲಿನ ಪೊಲೀಸ್ ವಾರ್ಷಿಕ ಕ್ರೀಡಾಕೂಟದ ನಿಮಿತ್ಯ ದಿನಾಂಕ 15-12-2019 ರಂದುಬೆಳಗ್ಗೆ 6:30 ನಿಮಿಷಕ್ಕೆ ಜಗತ್ ಸರ್ಕಲ್ ನಿಂದ  5 ಕಿ.ಮೀ. ವರೆಗೆ ಮ್ಯಾರಥನ್ ಓಟವನ್ನು ಹಮ್ಮಿಕೊಂಡಿದ್ದು ಆದ ಕಾರಣ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ  ಭಾಗವಹಿಸಲು ಕೋರಲಾಗಿದೆ. 

2019 ನೇ ಸಾಲಿನ ಪೊಲೀಸ್ ವಾರ್ಷಿಕ ಕ್ರೀಡಾಕೂಟದ ನಿಮಿತ್ಯ ದಿನಾಂಕ 15-12-2019 ರಂದು ಮಧ್ಯಾಹ್ನ 12:00 ಗಂಟೆಯಿಂದ 1 ಗಂಟೆಯವರೆಗೆ ಪೊಲೀಸ್ ಭವನ ಕಲಬುರಗಿಯಲ್ಲಿ ಚಿತ್ರಜಲೆ  ಸ್ಪರ್ಧೆ ಎರ್ಪಡಿಸಿದ್ದು ಆಸಕ್ತಿಯುಳ್ಳ ಕಲಾಕಾರರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಸದುಪಯೋಗ ಪಡೆದುಕೊಳ್ಳಬೇಕೆಂದು ಕೋರಲಾಗಿದೆ.

KALABURAGI DISTRICT REPORTED CRIMES

ಅಪಘಾತ ಪ್ರಕರಣ :

ಜೇವರಗಿ ಠಾಣೆ : ಶ್ರೀಮತಿ ಸುವರ್ಣ ಗಂಡ ಮಾನಪ್ಪ ಮಾಡಗಿ ಸಾ.ಸೊನ್ನ ಹಾ: ವಃ ಚಿಗರಳ್ಳಿ ಕ್ಯಾಂಪ್ ತಾ.ಜೇವರ್ಗಿ ರವರ ಗಂಡನಾದ ಮಾನಪ್ಪ ಇತನು ಬಿರಾಳ್ (ಬಿ) ಸರಕಾರಿ ವಸತಿ ನಿಲಯದಲ್ಲಿ ವಾರ್ಡನ್  ಅಂತಾ ಕೆಲಸ ಮಾಡುತ್ತಿದ್ದನು. ದಿನಾಂಕ 09/12/2019 ರಂದು ಸಾಯಂಕಾಲ ಜೇವರ್ಗಿಯಲ್ಲಿ ಆಫೀಸ್ ಕೆಲಸ ಇದೆ ನಾನು ಜೇವರ್ಗಿಗೆ ಹೋಗಿ ಬರುತ್ತೇನೆ ಎಂದು ಹೇಳಿ ನಮ್ಮ  ಹೊಸ  ಜುಪಿಟರ್ ಮೋಟಾರ್ ಸೈಕಲ್ ಚೆಸ್ಸಿ ನಂಬರ್ MD6263G42K1K10778,  ಇಂಜಿನ್ ನಂಬರ್ EG4KK1106016,  ನೇದ್ದರ ಮೇಲೆ ಕುಳಿತುಕೊಂಡು ಮನೆಯಿಂದ ಹೋಗಿದ್ದು ಸಾಯಂಕಾಲ ನಾನು ಮನೆಯಲ್ಲಿದ್ದಾಗ ನಮ್ಮ ಸಂಬಂದಿಕರಾದ ಭೂತಾಳಿ  ಇವರು ಫೋನ್ ಮಾಡಿ ಮಾನಪ್ಪನ  ಮೊಟಾರ್ ಸೈಕಲಕ್ಕೆ  ಜೇವರ್ಗಿಯಲ್ಲಿ ರಸ್ತೆ ಅಪಘಾತವಾಗಿರುತ್ತದೆ. ಅವನಿಗೆ ಭಾರಿ ಗಾಯವಾಗಿ ಸ್ಥಳದಲ್ಲಿಯೇ ಮೃತಪಟ್ಟಿರುತ್ತಾನೆ ಎಂದು ತಿಳಿಸಿದನು. ವಿಷಯ ಗೊತ್ತಾಗಿ ನಾನು ಮತ್ತು ನನ್ನ ತಂದೆ ಭೀಮಣ್ಣ ತಾಯಿಯಾದ ರತ್ನಮ್ಮ ಗಂಡ ಬೀಮಣ್ಣ ಮೂವರು  ಕೂಡಿಕೊಂಡು ಸ್ಥಳಕ್ಕೆ ಬಂದು ನೋಡಲಾಗಿ  ಸ್ಥಳದಲ್ಲಿ  ರಕ್ತ ಬಿದ್ದಿತ್ತು ನನ್ನ ಗಂಡನ ಹೆಣ ಜೇವರ್ಗಿ ಆಸ್ಪತ್ರೆಗೆ ತೆಗೆದುಕೊಂಡು ಹೋಗಿರುತ್ತಾರೆ ಅಂತಾ ಗೊತ್ತಾಗಿ. ನಾವು  ಜೇವರಗಿ  ಆಸ್ಪತ್ರೆಗೆ ಬಂದು ನೋಡಲಾಗಿ  ನನ್ನ ಗಂಡ ಮೃತಪಟ್ಟಿದ್ದು ನಿಜವಿತ್ತು.  ಮತ್ತು ಅವನ ಕುತ್ತಿಗೆಯ ಹತ್ತಿರ ಭಾರಿ ರಕ್ತಗಾಯಯವಾಗಿ ಮಾಂಸ ಖಂಡ ಹೊರ ಬಂದಿದ್ದು ಇತ್ತು, ಎಡಗೈ ಭುಜದ ಹತ್ತಿರ, ಬಲಗೈ ಮುಂಗೈ ಹತ್ತಿರ ಮುರಿದ ಗಾಯವಾಗಿತ್ತು, ಹಾಗೂ ಎರಡು  ಕಿವಿಗಳಿಂದ ರಕ್ತ ಸ್ರಾವವಾಗಿತ್ತು .ಅಲ್ಲಿಯೇ ಇದ್ದ ನಮ್ಮ ಸಂಬಂಧಿಕರಾದ ಭೂತಾಳಿ ತಂದೆ ಬಲವಂತಪ್ಪ ಮತ್ತು ರಾಯಪ್ಪ ತಂದೆ ಮೈಲಪ್ಪ ಹೆಗಡೆ ಇವರು ಇದ್ದರು, ಭೂತಾಳಿ ಈತನಿಗೆ ಘಟನೆ ಬಗ್ಗೆ ಕೇಳಲಾಗಿ ಅವನು ಹೇಳಿದ್ದೇನೆಂದರೆ ಇಂದು ಸಾಯಾಂಕಾಲ; ಜೇವರಗಿ ಪಟ್ಟಣದ ಎ.ಪಿ.ಎಮ್.ಸಿ. ಯಾರ್ಡ ಹತ್ತಿರ ಜೇವರಗಿ -ಶಹಾಪೂರ ರೋಡಿನಲ್ಲಿ ಮಾನಪ್ಪಾ ಈತನು ತನ್ನ ಮೋಟಾರ್ ಸೈಕಲನ್ನು ಜೇವರಗಿ ಕಡೆಯಿಂದ ಶಹಾಪೂರ ಕಡೆಗೆ ನಡೆಯಿಸಿಕೊಂಡು ಹೋಗುತ್ತಿದ್ದನು. ಅದೇ ವೇಳಗೆ ಹಿಂದಿನಿಂದ ಅಂದರೆ ಸಿಂದಗಿ ಕ್ರಾಸ್ ಕಡೆಯಿಂದ ಒಂದು ಟ್ರೈಲರ್ ಲಾರಿಯ ಚಾಲಕನು ತನ್ನ ಲಾರಿಯನ್ನು ಅತೀ ವೇಗದಿಂದ ಮತ್ತು ಅಜಾಗೂರಕತೆಯಿಂದ ನಡೆಸಿಕೊಂಡು ಮಾನಪ್ಪಾ ಈತನ ಮೋಟಾರ್ ಸೈಕಲಿಗೆ ಓವರ್ ಟೇಕ ಮಾಡಲು ಹೋಗಿ ಲಾರಿ ಇಂಜೀನ ಹಿಂದಿನ ಬಾಡಿಯಿಂದ ಮಾನಪ್ಪ ಈತನ ಮೊಟಾರ ಸೈಕಲಕ್ಕೆ ಡಿಕ್ಕಿ ಪಡಿಸಿದನು. ಆಗ ಮಾನಪ್ಪಾ ಈತನು ಮೊಟಾರ್  ಸೈಕಲದೊಂದಿಗೆ ರೋಡಿನಲ್ಲಿ ಬಿದ್ದನು. ನಾನು ಮತ್ತು ರಾಯಪ್ಪಾ ಹೆಗಡೆ ಹೋಗಿ ನೋಡಲಾಗಿ, ಮಾನಪ್ಪನು ಹೆಲ್ಮೇಟ್  ಧರಿಸಿದ್ದು ಅವನ ಹೆಲ್ಮೇಟ್ ಒಂದು ಕಡೆ ಒಡೆದು ಬಿದ್ದಿರುತ್ತದೆ. ಅವನ ಕುತ್ತಿಗೆ ಹತ್ತಿರ ಭಾರಿ ರಕ್ತಗಾಯ ಮತ್ತು ಎರಡು ಕೈಗಳಿಗೆ ಭಾರಿ ಗಾಯವಾಗಿದ್ದು, ಕಿವಿಗಳಿಂದ ರಕ್ತ ಸ್ರಾವವಾಗಿ ಅವನು ಸ್ಥಳದಲ್ಲಿಯೇ ಮೃತಪಟ್ಟಿರುತ್ತಾನೆ. ಅವನ ಮೊಟಾರ್ ಸೈಕಲಕ್ಕೆ ಡಿಕ್ಕಿಪಡಿಸಿ ಅಪಘಾತಪಡಿಸಿದ ಲಾರಿ ನಂಬರ್ ನೋಡಲು ಅದರ ನಂ  ,KA-01-AE-3241 ನೇದ್ದು ಇತ್ತು.  ಲಾರಿ ಚಾಲಕನ ಹೆಸರು  ಪ್ರಕಾಶ ತಂದೆ ಮಹಾಂತಪ್ಪ ಗಿರಿಸಾಗರ  ಸಾಃ ಚಿನ್ನಾಪೂರ ತಾ; ಹುನಗುಂದ ಜಿ; ಬಾಗಲಕೋಟ್ ಅಂತಾ ಗೊತ್ತಾಗಿರುತ್ತದೆ. ನಂತರ ನಾನು ಮತ್ತು ರಾಯಪ್ಪ ಹೆಗಡೆ ಇಬ್ಬರೂ ಕೂಡಿಕೊಂಡು ಮಾನಪ್ಪಾ ಈತನ ಹೆಣವನ್ನು ಜೇವರ್ಗಿ ಸರಕಾರಿ ಆಸ್ಫತ್ರೆಗೆ ತಂದು ಶವಗಾರ ಕೊಣೆಯಲ್ಲಿ ಹಾಕಿರುತ್ತೇವೆ. ಅಂತಾ ಹೇಳಿರುತ್ತಾರೆ ಅಂಥಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಜೇವರಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಸ್ವಾಭಾವಿಕ ಸಾವು ಪ್ರಕರಣ :

ವಾಡಿ ಠಾಣೆ : ಶ್ರೀ ನಾಗಪ್ಪ ತಂದೆ ಮರಗಪ್ಪ ಕಲಕುಟಗಿ ಸಾ:ಬಸಪ್ಪಗುಡಿ ವಾಡಿ  ರವರ ಮಗಳು ದಿನಾಂಕ 09/12/2019 ರಂದು ಮದ್ಯಾಹ್ನ 12-45 ಪಿ.ಎಮ್ ಸುಮಾರು ಮಗಳು ಭಾರತಿ ಇವಳು ಸಂಡಾಸಕ್ಕೆ ಹೋಗಿ ಬರುತ್ತೆನೆ ಅಂತಾ ತಂಬಿಗೆ ತೆಗೆದುಕೊಂಡು ಹೋಗಿ ಸ್ವಲ್ಪ ಸಮಯದ ನಂತರ ಭಾರತಿ ಇವಳು ಅಳುತ್ತ ಮರಳಿ ಮನೆಗೆ ಬಂದು ತಿಳಿಸಿದ್ದೆನೆಂದರೆ,ತಾನು ಬಸಪ್ಪ ಗುಡಿ ಆಚೆ ಬಯಲು ಪ್ರದೇಶದಲ್ಲಿ ಸಂಡಾಕ್ಕೆ ಹೋದಾಗ ಒಮ್ಮೇಲೆ ನನ್ನ ಬಲಗಾಲ ಕಿರುಬೆರಳಿಗೆ ಏನೋ ಕಚ್ಚಿಂದತೆ ಆಗಿ ಏನು ಅಂತಾ ನೋಡಲಾಗಿ ಅದು ಹಾವು ಇದ್ದು ಸರ ಸರನೇ ಕಂಟಿಯಲ್ಲಿ ಹೋಗಿರುತ್ತದೆ ಅಂತಾ ತಿಳಿಸಿದ್ದು ನಾನು ನೋಡಲಾಗಿ ಭಾರತಿ ಇವಳ ಬಲಗಾಲ ಕಿರುಬೆರಳಿನಿಂದ ರಕ್ತ ಬರುತ್ತಿದ್ದನ್ನು ಕಂಡು ಅವಳಿಗೆ ಮೊಟರ ಸೈಕಲ ಮೇಲೆ ಕೂಡಿಸಿಕೊಂಡು ವಾಡಿ ಸರ್ಕಾರಿ ಆಸ್ಪತ್ರೆಗೆ ತಂದು ಇಲ್ಲಿ ವೈದ್ಯರು ಪ್ರಥಮ ಚಿಕಿತ್ಸೆ ಮಾಡಿ ಹೆಚ್ಚಿನ ಉಪಚಾರ ಕುರಿತು ಚಿತ್ತಾಪುರ ಸರ್ಕಾರಿ ಆಸ್ಪತ್ರೆಗೆ ತೆಗೆದುಕೊಂಡು ಹೋಗಲು ತಿಳಿಸಿದಾಗ ನಾನು ಮತ್ತು ನಮ್ಮ ತಂದೆ ಮರಗಪ್ಪ ಕೂಡಿಕೊಂಡು ಅಂಬುಲೇನ್ಸದಲ್ಲಿ ಹಾಕಿಕೊಂಡು ಚಿತ್ತಾಪೂರ ಆಸ್ಪತ್ರೆಗೆ ತೆಗೆದುಕೊಂಡು ಹೋದಾಗ ಅಲ್ಲಿ ವೈದ್ಯರು ನನ್ನ ಮಗಳಿಗೆ ಪರೀಕ್ಷೆ ಮಾಡಿ ನೋಡಿ ಇವಳು ಮೃತಪಟ್ಟಿರುತ್ತಾಳೆ ಅಂತಾ ತಿಳಿಸಿದರು.. ಈ ಘಟನೆ ಅಕಸ್ಮಿಕವಾಗಿದ್ದು ಈ ಬಗ್ಗೆ ಯಾರ ಮೇಲೆ ಸಂಶಯವಿರುವದಿಲ್ಲ  ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.