Kalaburagi District Reported Crimes

ಆಕ್ರಮ ಶಸ್ತ್ರಾಸ್ತ್ರ  ಸಾಗಾಟ ಮಾಡುತ್ತಿದ್ದ ಮೂರು ಜನರ ಬಂಧನ ಆರು ಪಿಸ್ತೂಲಗಳ ಜಪ್ತಿ :

ಸ್ಠೇಷನ ಬಜಾರ ಠಾಣೆ :  ದಿನಾಂಕ. 22.03.2015 ರಂದು ಬೆಳಿಗ್ಗೆ 09.00 ಗಂಟೆ ಸುಮಾರಿಗೆ ಸ್ಟೇಷನ ಏರಿಯಾದ ಪಿ.ಡಿ.ಎ ರೋಡಿಗೆ ಹೋಗುವ ರಸ್ತೆಯಲ್ಲಿ ಮೂರು ಜನರು ಕೂಡಿ ಅನಧಿಕೃತವಾಗಿ ಕಾನೂನು ಬಾಹಿರವಾಗಿ ಆಯುಧಗಳನ್ನು ಸಾಗಾಣಿಕೆ ಮಾಡುತ್ತಿದ್ದಾರೆ ಅಂತಾ ಬಂದ ಖಚಿತ ಭಾತ್ಮಿ ಮೇರೆಗೆ ಮಾನ್ಯ ಎಸ್.ಪಿ ಸಾಹೇಬರು ಕಲಬುರಗಿ, ಮಾನ್ಯ ಹೆಚ್ಚುವರಿ ಎಸ್.ಪಿ ಸಾಹೇಬರು ಕಲಬುರಗಿ, ಮಾನ್ಯ ಡಿ.ಎಸ್.ಪಿ ಸಾಹೇಬರು ‘ಎ’ ಉಪ ವಿಭಾಗ ರವರ ಮಾರ್ಗದರ್ಶನದಲ್ಲಿ ಸ್ಟೇಷನ್ ಬಜಾರ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸಪೆಕ್ಟರ ಶ್ರೀ ರಾಜಶೇಖರ ಹಳಗೋದಿ ಮತ್ತು ಶ್ರೀ ಪಿ.ವಿ.ಸಾಲಿಮಠ ಸಿಪಿಐ ಅಫಜಲಪೂರ ಹಾಗೂ ಸಿಬ್ಬಂದಿರವರಾದ ಮಾರುತಿ, ಚನ್ನಮಲ್ಲಪ್ಪಾ, ರಾಜಕುಮಾರ, ರೇವಣಸಿದ್ದ, ಶಿವಾನಂದ, ಮಲ್ಲನಗೌಡ, ಶಿವರಾಜ, ಅರವಿಂದ, ರಾಜು, ಗುರುರಾಜ ರವರೊಂದಿಗೆ ಸ್ಟೇಷನ ಏರಿಯಾದ ಪಿ.ಡಿ.ಎ ಕಾಲೇಜ ರಸ್ತೆಯಲ್ಲಿ ದಾಳಿ ಮಾಡಿ 1)) ರಜಾಕ @ ಅಬ್ದುಲ ರಜಾಕ ತಂದೆ ಮಹಮ್ಮದಸಾಬ @ ಮಮ್ಮುಲಾಲ ಕಾಂಬಳೆ ವಯಃ 39 ವರ್ಷ ಸಾಃ ಶಿರವಾಳ ತಾಃ ಅಫಜಲಪೂರ ಜಿಲ್ಲಾಃ ಕಲಬುರಗಿ, 2) ಮಶಾಕಸಾಬ ತಂದೆ ಅಬ್ದುಲ ಖಾದರ @ ಅಬ್ದುಲ ಸಾಬ ಜಾಗಿರದಾರ ವಯಃ 35 ವರ್ಷ ಸಾಃ ಶಿರವಾಳ ತಾಃ ಅಫಜಲಪೂರ ಜಿಲ್ಲಾಃ ಕಲಬುರಗಿ, 3) ಪ್ರಭು ತಂದೆ ತುಕಾರಾಮ ಜಮಾದಾರ ವಯಃ 45 ವರ್ಷ ಸಾಃ ದುದ್ದಣಗಿ ತಾಃ ಅಫಜಲಪೂರ ರವರನ್ನು ದಸ್ತಗಿರಿ ಮಾಡಿ ಸದರಿಯವರಿಂದ ಆರು ನಾಡ ಪಿಸ್ತೂಲಗಳು ಹಾಗೂ ಎಂಟು ಜೀವಂತ ಗುಂಡುಗಳನ್ನು ಜಪ್ತಿ ಪಡಿಸಿಕೊಳ್ಳಲಾಗಿದೆ.

ಆಪಾದಿತರ ಹಿನ್ನಲೆ :- ಬಂದಿತ ರಜಾಕ ಈತನು ಶಿರವಾಳ ಗ್ರಾಮದ ನಿವಾಸಿಯಾಗಿದ್ದು ಈ ಹಿಂದೆ ಐದು ಕೊಲೆ ಪ್ರಕರಣಗಳಲ್ಲಿ ಆರೋಪಿತನಾಗಿರುತ್ತಾನೆ. ಆತನ ಸಹಚರನಾದ ಮಶಾಕ ಈತನು ಅಫಜಲಪೂರ ಠಾಣಾ ವ್ಯಾಪ್ತಿಯ ಬಳೂರ್ಗಿ ತಾಂಡಾದಲ್ಲಿ ನಡೆದ ಶೂಟೌಟ ಪ್ರಕರಣದಲ್ಲಿ ಆರೋಪಿತನಾಗಿರುತ್ತಾನೆ. ಹಾಗೂ ಪ್ರಭು ಜಮಾದಾರ ಈತನು ಹಾಲಿ ತಾಲ್ಲೂಕಾ ಪಂಚಾಯತ ಅಫಜಲಪೂರ ಸದಸ್ಯನಾಗಿದ್ದು, ಈತನ ವಿರುದ್ದ ಈ ಹಿಂದೆ ಮೂರು ಅಕ್ರಮ ಶಸ್ತ್ರಾಸ್ತ್ರ ಸಾಗಾಟ ಹಾಗೂ ಸರಬರಾಜು ಮಾಡಿದ ಬಗ್ಗೆ ಪ್ರಕರಣಗಳು ದಾಖಲಾಗಿರುತ್ತವೆ.    ಈ ಮೂರು ಜನರ ಆರೋಪಿತರನ್ನು ನ್ಯಾಯಾಂಗ ಬಂದನಕ್ಕೆ ಕಳುಹಿಸಿಕೊಡಲಾಗಿದೆ.   

ಕೊಲೆ ಪ್ರಕರಣ :

ಗ್ರಾಮೀಣ ಠಾಣೆ : ಶ್ರೀ ಹಣಮಂತರಾತಯ ತಂದೆ ಚಂದ್ರಪ್ಪ ಶಿವಮೂರ್ತಿ ಸಾ:ಚೊಂಚಿ ತಾ:ಚಿತ್ತಾಪುರ ಇವರ ಮಗನಾದ ಸಿದ್ದಣ್ಣಾನು ಚೊಂಚಿ ಗ್ರಾಮದಿಂದ ಕಲಬುರಗಿ ರಾಮನಗರಕ್ಕೆ ಬಂದು ಹೋಗುತ್ತಿದ್ದನು ಅವನಿಗೆ ರಾಮನಗರ ಬಡಾವಣೆಯ ಗೆಳೆಯರಿದ್ದರು ತನ್ನ ಮಗನಾದ ಸಿದ್ಧಣ್ಣನ ಹತ್ತಿರ ಅಪಘಾತದ ಅನುದಾನದ ಹಣ 70 ಸಾವಿರ ರೂಪಾಯಿ ಬ್ಯಾಂಕಿನಲ್ಲಿ ಇಟ್ಟಿದ್ದನು ಈಗ್ಗೆ 3 ದಿವಸಗಳ ಹಿಂದೆ ಸಿದ್ದಣ್ಣನು ಕಲಬುರಗಿಗೆ ಬಂದಿದ್ದು ದಿನಾಂಕ:-20/03/2015 ರಂದು ರಾತ್ರಿ 08:40 ಗಂಟೆ ಸುಮಾರಿಗೆ ಸಿದ್ದಣ್ಣ ಪೋನ ಮಾಡಿ ತಿಳಿಸಿದೆನೆಂದರೆ ರಾಮನಗರದ ನಿವಾಸಿ ಶ್ರೀನಾಥ ಗೆಳೆಯನು ಬ್ಯಾಂಕಿನಿಂದ 20 ಸಾವಿರ ರೂಪಾಯಿ ಡ್ರಾ ಮಾಡಿಕೊಡಬೇಕೆಂದು ಜಗಳ ಮಾಡುತ್ತಿದ್ದಾನೆ ಅಂತಾ ಅಂದನು ನಾನು ಅವನಿಗೆ ಜಗಳ ಮಾಡಬಾರೆಂದು ತಿಳಿಸಿದೇನು ಇಂದು ದಿನಾಂಕ:-21/03/2015 ರಂದು ಫಿರ್ಯಾದಿ ಹೆಂಡತಿಯ ತಮ್ಮನಾದ ಮಡೆಪ್ಪನು ಸಿದ್ದಣ್ಣ ಇತನಿಗೆ ದಿನಾಂಕ:-20/03/2015 ರಂದು ರಾತ್ರಿ ರಾತ್ರಿ ವೇಳೆಯಲ್ಲಿ ರಾಮನಗರದ ಮೆಹೇತಾ ಲೇಔಟದ ನೀರಿನ ಟ್ಯಾಂಕಿನ ಹತ್ತಿರ ಯಾರೋ ಕಲ್ಲಿನಿಂದ ಹೊಡೆದು ಭಾರಿ ರಕ್ತಗಾಯಗೊಳಿಸಿ ಕೊಲೆ ಮಾಡಿರುತ್ತಾರೆ ಸಿದ್ದಣ್ಣನ ಶವ ಸರಕಾರಿ ಆಸ್ಪತ್ರೆಯಲ್ಲಿ ಇದೆ ಅಂತಾ ತಿಳಿಸಿದರು ಫಿರ್ಯಾದಿದಾರನು ಸರಕಾರಿ ಆಸ್ಪತ್ರೆಗೆ ಹೋಗಿ ತನ್ನ ಮಗ ಸಿದ್ದಣ್ಣನ ಶವ ನೋಡಿ ದಿನಾಂಕ:-20/03/2015 ರಂದು ರಾತ್ರಿ 08:40 ರಿಂದ 11:30 ಅವದಿಯಲ್ಲಿ ರಾಮನಗರ ಬಡಾವಣೆಯ ಶ್ರೀನಾಥ ಮತ್ತು ಅವನ ಗೆಳೆಯರು ಕೂಡಿ ಸಿದ್ದಣ್ಣನು ಹಣ ಕೋಡದಿದ್ದಕ್ಕೆ ಕಲ್ಲಿನಿಂದ ತಲೆಯ ಮೇಲೆ ಹೊಡೆದು ಕೊಲೆ ಮಾಡಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಳವು ಪ್ರಕರಣಗಳು :

ಮಳಖೇಡ ಠಾಣೆ : ಶ್ರೀ ಹಣಮಂತ ರಾವ ತಂದೆ ವೀರಣ್ಣಾ ಕುರಿಕೊಟಾ ಸಾ: ಗಂಗಾನಗರ ಮಳಖೇಡ ರವರು ದಿನಾಂಕ 21-3-2015 ರಂದು ಸಾಯಂಕಾಲ ನಮ್ಮ ಮನೆಗೆ ಕೀಲಿ ಹಾಕಿಕಕೊಂಡು ಕುರಿಕೊಟಾ ಗ್ರಾಮಕ್ಕೆ ಜಾತ್ರೆ ಪ್ರಯುಕ್ತ ಕುಟುಂಬ ಸಮೇತವಾಗಿ ಹೋಗಿದ್ದು ದಿನಾಂಕ 22-3-2015 ರಂದು ಬೆಳಗಿನ ಜಾವ 5-30 ಗಂಟೆಗೆ ಮಳಖೇಡಕ್ಕೆ ಬಂದು ನಮ್ಮ ಮಾವನವರ ಮನೆಯಲ್ಲಿ ಮಲಗಿಕೊಂಡಿದ್ದು ನಂತರ ನಮ್ಮ ಓಣಿಯ ಚನ್ನಪ್ಪ ತಂದೆ ರೇವಣಸಿದ್ದಪ್ಪ ಈತನು ಫೋನ ಮಾಡಿ ತಿಳಿಸಿದ್ದೇನೆಂದರೆ ಮಳಖೇಡದಲ್ಲಿ ನಿನ್ನೆ ರಾತ್ರಿ ಸುಮಾರು ಮನೆಗಳು ಕಳ್ಳತನವಾಗಿದ್ದು ನಿಮ್ಮ ಮನೆ ಸಹ ನೋಡಿರಿ ಅಂತಾ ಹೇಳಿದಾಗ ನಾನು ಕೂಡಲೇ ನಮ್ಮ ಮನೆಗೆ ಹೋಗಿ ನೋಡಲಾಗಿ ನನ್ನ ಮನೆಗೆ ಹಾಕಿದ ಕೀಲಿ ಮುರಿದಿದ್ದು ಬಾಗಿಲು ತೆರೆದಿದ್ದು, ಮನೆಯಲ್ಲಿ ಹೋಗಿ ನೋಡಲಾಗಿ ಅಲಮಾರಿಯ ಲಾಕರನಲ್ಲಿ ಇಟ್ಟಿದ್ದ ಬಂಗಾರದ ಮತ್ತು ಬೆಳ್ಳಿಯ ಆಭರಣಗಳು ಮತ್ತು ನಗದು ಹಣ ಹೀಗೆ ಒಟ್ಟು ಒಟ್ಟು 1,74,500-00 ರೂ. ಮಾಲು ನನ್ನ ಮನೆಯಿಂದ ಯಾರೋ ಕಳ್ಳರು ಕಳ್ಳತನ ಮಾಡಿಕೊಂಡು ಹೋಗಿರುತ್ತಾರೆ ಅಲ್ಲದೇ ನಮ್ಮ ಮನೆಯ ಅಕ್ಕಪಕ್ಕದಲ್ಲಿ  ಇರುವ ಶ್ರೀಮಂತ ತಂದೆ ವಿಠಲ ಸೋಲಾಪುರ, ಇವರ ಮನೆಯಲ್ಲಿಯು ಸಹ ಕೀಲಿ ಮುರಿದು, ಅವರ ಮನೆಯಲ್ಲಿದ್ದ ಬಂಗಾರದ ಆಭರಣ ಮತ್ತು ನಗದು ಹಣ ಹೀಗೆ ಒಟ್ಟು 80,000-00 ರೂ. ಕಿಮ್ಮತಿನ ಮಾಲು ಅವರ ಮನೆಯಲ್ಲಿ ಕಳುವಾಗಿದ್ದು ಅಂತಾ ತಿಳಿಸಿದರು. ಮತ್ತು ಶ್ರೀ ಕಾಶಿನಾಥ ತಂದೆ ಸುಬ್ಬಣ್ಣ ಪುಜಾರಿ ಇವರ ಮನೆ ಸಹ ಕೀಲಿ ಮುರಿದು ಕಳ್ಳತನ ಮಾಡಿದ್ದು, ಅವರ ಮನೆಯಲ್ಲಿ ಬಂಗಾರದ ಆಭರಣ ಮತ್ತು ನಗದು ಹಣ  ಹೀಗೆ ಒಟ್ಟ 1,61,000-00 ರೂ. ಕಳ್ಳತನವಾಗಿದ್ದರ ಬಗ್ಗೆ ನನಗೆ ತಿಳಿಸಿದರು.  ಶ್ರೀ ಸಂಗಮೇಶ ತಂದೆ ನಾಗಪ್ಪ ಸೇಡಂ ಇವರ ಮನೆಯ ಬಾಗಿಲು ಕೀಲಿ ಮುರಿದು ಮನೆಯಲ್ಲಿದ್ದ ನಗದು ಹಣ 5000-00 ರೂ. ಕಳ್ಳತನ ಮಾಡಿದ್ದು ಅಂತಾ ತಿಳಿಸಿದರು.  ಶ್ರೀಮತಿ ಜಗದೇವಮ್ಮ ಗಂಡ ಶಿವಶರಣಪ್ಪ ನಿಂಗಮಾರಿ ಅಂಗನವಾಡಿ ಕಾರ್ಯಕರ್ತೆ ಇವರ ಅಂಗನವಾಡಿ ಕಾರ್ಯಾಲಯದಲ್ಲಿ ಇರುವ ಸ್ಟಿಲನ 20 ಪ್ಲೇಟ, ಸ್ಟೀಲಿನ 20 ಗ್ಲಾಸ, ಸ್ಟೀಲಿನ ಒಂದು ಚಮಚಾ, ಹಾಗು ನಗದು ಹಣ 2000-00 ರೂ. ಹೀಗೆ ಒಟ್ಟು 3000-00 ರೂ. ನೇದ್ದರ ಕಿಮ್ಮತ್ತಿನ ಮಾಲು ಕೀಲಿ ಮುರಿದು ಕಳ್ಳತನ ಮಾಡಿದ್ದು ಅಂತಾ ತಿಳಿಸಿದರು. ಅಲ್ಲದೇ ಮಲ್ಲಿಕಾರ್ಜುನ ತಂದೆ ಯಲ್ಲಪ್ಪ ನಂದೂರ ಇವರ ಮನೆಯ ಕೀಲಿ ಸಹ ಮುರಿದು ಅವರ ಮನೆಯಲ್ಲಿ ಇರುವ ಕಂಚಿನ ಒಂದು ಹಾಂಡೆ , ಮತ್ತು ತಾಮ್ರದ ಕೊಡಾ ಎರಡೂ ಸೇರಿ ಅ.ಕಿ 2000-00 ರೂ. ಹಾಗು ನಗದು ಹಣ 2500-00 ರೂ. ಹೀಗೆ ಒಟ್ಟು 4500-00 ರೂ. ಕಿಮ್ಮತ್ತಿನ ಸಾಮಾನು ಕಳ್ಳತನ ಮಾಡಿಕೊಂಡು ಹೋಗಿದ್ದರ ಬಗ್ಗೆ ತಿಳಿಸಿದರು. ಹೀಗೆ ಎಲ್ಲರ ಮನೆಗಳನ್ನು ಕೀಲಿ ಮುರಿದು ಒಟ್ಟು 4,28,000-00 ರೂ. ಕಿಮ್ಮತ್ತಿನ ಬಂಗಾರ, ಬೆಳ್ಳಿ, ಹಾಗು ಇತರೆ ಸಾಮಾನುಗಳನ್ನು  ದಿನಾಂಕ 21-3-2015 ರಂದು ಮತ್ತು 22-3-2015 ರಂದು ರಾತ್ರಿ ವೇಳೆಯಲ್ಲಿ ಯಾರೋ ಕಳ್ಳರು ಕಳ್ಳತನ  ಮಾಡಿಕೊಂಡು ಹೋಗಿದ್ದು ಇರುತ್ತದೆ. ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಮಳಖೇಡ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ,

ಅಫಜಲಪೂರ ಠಾಣೆ : ²æàಸೋಮಯ್ಯಾ ತಂದೆ ನಾಗಯ್ಯಾ ಮಠಪತಿ ಸಾ|| ಮಳೇಂದ್ರ ಮಠದ ಹತ್ತಿರ ಅಫಜಲಪೂರ  ರವರಿಗೆ  ಗುರುಲಿಂಗಯ್ಯಾ ಮತ್ತು ನಿಂಗಯ್ಯಾ ಅಂತಾ ಇಬ್ಬರು ಗಂಡು ಮಕ್ಕಳಿದ್ದು, ಸದ್ಯ ಅವರು ನಮ್ಮಿಂದ ಬೇರೆಯಾಗಿ ಸಂಸಾರ ಮಾಡುತ್ತಿರುತ್ತಾರೆ. ನಾನು ಮತ್ತು ನನ್ನ ಹೆಂಡತಿ ಪ್ರತಿ ತಿಂಗಳ ಅಮವಾಸೆಗೆ ಗುಡ್ಡಾಪೂರ ಧಾನಮ್ಮ ದೇವಿ ದರ್ಶನ ಸಲುವಾಗಿ ಹೂಗುತ್ತಾಬಂದಿರುತ್ತೇವೆ. ಪ್ರತಿ ಸಲದಂತೆ ನಿನ್ನೆ ದಿನಾಂಕ 20-03-2015 ರಂದು ಬೆಳಿಗ್ಗೆ 10;00 ಗಂಟೆಗೆ ನಾನು ಮತ್ತು ನನ್ನ ಹೆಂಡತಿ ಮನೆಯಲ್ಲಿಯ ಅಲ್ಮಾರಿಯಲ್ಲಿ 5 ತೊಲಿ ಬಂಗಾರದ ಪಾಟ್ಲಿ, ಒಂದು ತೊಲಿ ಬಂಗಾರದ ಬೋರಮಾಳ, ಅರ್ದಾ-ಅರ್ದಾ ತೊಲಿಯ 4ಉಂಗುರಗಳನ್ನು ಇಟ್ಟು ಅದಕ್ಕೆ ಕೀಲಿ ಹಾಕಿ ಗುಡ್ಡಾಪೂರಕ್ಕೆ ಹೋಗಿರುತ್ತೇವೆ. ಇಂದು ದಿನಾಂಕ 21-03-2015 ರಂದು ಬೆಳಿಗ್ಗೆ 09;00 ಗಂಟೆ ಸುಮಾರಿಗೆ ನನ್ನ ಮಗ ಗುರುಲಿಂಗಯ್ಯಾ ಇವನು ನನಗೆ ಫೋನ ಮಾಡಿ ರಾತ್ರಿ ಯಾರೋ ನಿಮ್ಮ ಮನೆ ಬಾಗಿಲ ಕೀಲಿ ಮುರಿದು ಮನೆಯಲ್ಲಿದ್ದ ಅಲ್ಮಾರಿಯ ಬಾಗಿಲ ಮುರಿದು ಸಾಮಾನುಗಳು ಕಳುವು ಮಾಡಿಕೊಂಡು ಹೋಗಿರುತ್ತಾರೆ ಅಂತಾ ತಿಳಿಸದ ಮೇರೆನೆ ನಾನು ನನ್ನ ಹೆಂಡತಿ ಮರಳಿ ಅಫಜಲಪೂರಕ್ಕೆ ಬಂದು ಮನೆಯೊಳಗೆ ಹೋಗಿ ನೋಡಲು ಅಲ್ಮಾರಿಯ ಬಾಗಿಲ ಮುರದಿದ್ದು, ಅಲ್ಮಾರಿಯಲ್ಲಿ ಬಂಗಾರದ ಆಭರಣ ಹಾಗು ಬೆಳ್ಳಿಯ ಆಭರಣಗಳು ಹೀಗೆ ಒಟ್ಟು 1,80,000/- ರೂ ಕಿಮ್ಮತ್ತಿನ ಬಂಗಾರದ ಆಭರಣಗಳನ್ನು ದಿನಾಂಕ 21-03-2015 ರಂದು ಅಂದಾಜ 02;00 ಎ.ಎಂ ದಿಂದ 03;30 ಎ.ಎಂ ದ ಮದ್ಯಧ ಅವಧಿಯಲ್ಲಿ ಯಾರೋ ಕಳ್ಳರು ನಮ್ಮ ಮನೆಯ ಬಾಗಿಲ ಮತ್ತು ಶೆಟರ್ಸ ಕಿಲಿ ಮುರಿದು ಕಳವು ಮಾಡಿಕೊಂಡು ಹೋಗಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಅಫಜಲಪೂರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅ ಸ್ವಾಭಾವಿಕ ಸಾವು ಪ್ರಕರಣ :

ನಿಂಬರ್ಗಾ ಠಾಣೆ : ಶ್ರೀದೇವಿ ಗಂಡ ಮಲ್ಲಿಕಾರ್ಜುನ ಜಮಾದಾರ ಸಾ|| ಕುಡಕಿ ಇವಳು ದಿನಾಂಕ 18/03/2015 ರಂದು  ಕೂಲಿ ಕೆಲಸ ಮುಗಿಸಿಕೊಂಡು ಮನೆಗೆ ಹೊರಟಾಗ ಹಿರೊಡೇಶ್ವರ ದೇವಸ್ಥಾನಕ್ಕೆ ಹೋಗುವ ದಾರಿ ಮೇಲೆ ಆನಂದರಾವ ಗೌಡರ ಹೊಲದ ಹತ್ತಿರ ಆಕಸ್ಮಿಕವಾಗಿ ಶ್ರೀದೇವಿ ಗಂಡ ಮಲ್ಲಿಕಾರ್ಜುನ ಜಮಾದಾರ ಸಾ|| ಕುಡಕಿ ಇವಳ ಬಲಗಾಲ ಹಿಮ್ಮಡಿಯ ಮೇಲ್ಭಾಗದಲ್ಲಿ ಮೂರು ಬಾರಿ ಹಾವು ಕಚ್ಚಿದ್ದರಿಂದ ಉಪಚಾರ ಕುರಿತು ಸರ್ಕಾರಿ ಆಸ್ಪತ್ರೆ ಕಲಬುರಗಿ, ವಾತ್ಸಲ್ಸ ಆಸ್ಪತ್ರೆ ಕಲಬುರಗಿಗಳಲ್ಲಿ ಚಿಕಿತ್ಸೆ ಕೊಡಿಸಿ ದಿನಾಂಕ 21/03/2015 ರಂದು ಹೆಚ್ಚಿನ ಉಪಚಾರ ಕುರಿತು ಸೊಲ್ಲಾಪೂರ ಆಸ್ಪತ್ರೆಗೆ ಒಯ್ಯುತ್ತಿರುವಾಗ ಮಧ್ಯಾಹ್ನ  ಅಕ್ಕಲಕೋಟ ಹತ್ತಿರ ಮಾರ್ಗ ಮಧ್ಯದಲ್ಲಿ ಮೃತಪಟ್ಟಿರುತ್ತಾಳೆ ಅಂತಾ ಶ್ರೀಮತಿ ಲಕ್ಷ್ಮಿಬಾಯಿ ಗಂಡ ಚಂದ್ರಶೇಖರ ಧೂಳಖೇಡ  ಸಾ|| ಕವಲಗಾ ಇವರು ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ನಿಂಬರ್ಗಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಲ್ಲೆ ಪ್ರಕರಣ :

ಜೇವರ್ಗಿ ಠಾಣೆ : ಶ್ರೀಮತಿ ಕಸ್ತೂರಿಬಾಯಿ ಗಂಡ ಲಕ್ಷ್ಮಣ ರೆಡ್ಡಿ ಸಾ|| ಕೋಳಕುರ ರವರಿಗೆ  ದಿನಾಂಕ 17.03.2015 ರಂದು ಮುಂಜಾನೆ 1)  ಮರೆಪ್ಪ ದೊಡ್ಡಮನಿ 2)   ಗುಂಡಪ್ಪ ತಂದೆ ಮರೆಪ್ಪ ದೊಡ್ಡಮನಿ 3)   ಗಂಗಮ್ಮ ಗಂಡ ಮರೆಪ್ಪ ದೊಡ್ಡಮನಿ 4)  ಶಾಂತಮ್ಮ ತಂದೆ ಮರೆಪ್ಪ ದೊಡ್ಡಮನಿ ಸಾ|| ಎಲ್ಲರು ಕೋಳಕುರ ಗ್ರಾಮ ಕೂಡಿಕೊಂಡು ಫಿರ್ಯಾದಿಗೆ ಮತ್ತು ಅವಳ ತಾಯಿ ಪುತಳಬಾಯಿ ಹಾಗು ತಂಗಿ ಶಾರದಾ ಮಗಳು ಭಾಗ್ಯಶ್ರೀ. ಇವರಿಗೆ ಅವಾಚ್ಯ ಶಬ್ದಗಳಿಂದ ಬೈದು ಕೈಯಿಂದ ಮತ್ತು ಬಡೆಗೆಯಿಂದ ಹೊಡೆದು ಮಾನಭಂಗ ಮಾಡಿ ಜೀವದ ಬೇದರಿಕೆ ಹಾಕಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಜೇವರ್ಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇಸ್ಪೀಟ ಜೂಜಾಟದಲ್ಲಿ ನಿರತ ವ್ಯಕ್ತಿಗಳ ಬಂಧನ :

ಜೇವರ್ಗಿ ಠಾಣೆ : ದಿನಾಂಕ 21-03-15  ರಂದು ಪಿಎಸ್.ಐ. ಜೇವರ್ಗಿ ರವರು ಕೋಳಕೂರ  ಗ್ರಾಮದಲ್ಲಿ  ಜಾತ್ರೆ  ಬಂದೋಬಸ್ತ  ಕರ್ತವ್ಯದಲ್ಲಿದ್ದಾಗ  ಕೋಳ್ಳಕೂರ  ಗ್ರಾಮದ ಬ್ರಿಡ್ಜ ಪಕ್ಕದ ಸಾರ್ವಜನಿಕ ಸ್ಥಳದಲ್ಲಿ 3 ಜನರು  ಗುಂಪಾಗಿಕುಳಿತುಕೊಂಡು   ಇಸ್ಪೇಟ ಎಲೆಗಳ  ಸಹಾಯದಿಂದ ಹಣ ಪಣಕ್ಕೆ ಹಚ್ಚಿ ಅಂದರ ಬಾಹರ ಜೂಜಾಟ ಆಡುತ್ತಿದ್ದಾರೆ ಅಂತಾ ಬಾತ್ಮಿ ಮೇರೆಗೆ ನಾನು ಮತ್ತು ಸಿಬ್ಬಂದಿ ಸಮೇತ ಪಂಚರೊಂದಿಗೆ ಸ್ಥಳಕ್ಕೆ ಹೋಗಿ ದಾಳಿ ಮಾಡಿ ಹಿಡಿದು ವಿಚಾರಸಲು 1) ಹಸನ್ ಸಾಬ  ತಂದೆ ಬಾಬಾಸಾಬ ಹತ್ತರಕಿ 2) ಸಿದ್ದರಾಮ ತಂದೆ  ಸೋಮನಾಥ ಶೇಖಜೀ 3) ದತ್ತು ತಂದೆ ಶ್ರೀಮಂತರಾಯ  ಪೊಲೀಸ ಪಾಟೀಲ  ಸಾ: ಎಲ್ಲರು ಕೋಗನೂರ  ಅಂತಾ ತಿಳಿಸಿದ್ದು ಅವರಿಂದ  52 ಇಸ್ಪೇಟ ಎಲೆಗಳು ಮತ್ತು ನಗದು ಹಣ 5520/- ರೂಗಳನ್ನು ವಶಪಡಿಸಿಕೊಂಡು  ಸದರಿಯವರೊಂದಿಗೆ ಜೇವರ್ಗಿ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.  

ಮನುಷ್ಯ ಕಾಣೆಯಾದ ಪ್ರಕರಣ :

ಸ್ಟೇಷನ ಬಜಾರ ಠಾಣೆ : ಶ್ರೀ ಮಹೇಶ ತಂದೆ ನಾಗಪ್ಪ ಅಲಬನುರ ಸಾಃ ಮನೆ ನಂ. 11-1986 ರಾಮ ನಗರ ಎಸ್.ಬಿ ಕಾಲೇಜ ಹತ್ತಿರ ಕಲಬುರಗಿ  ರವರ ಅಣ್ಣ ಯಲ್ಲಪ್ಪ ತಂದೆ ನಾಗಪ್ಪ ಅಲಬನುರ ಇವರು ಈಗ ಸುಮಾರು 8 ವರ್ಷಗಳಿಂದ ಮಾನಸಿಕ ಅಸ್ವಸ್ಧರಾಗಿದ್ದು, ಬೆಂಗಳೂರ, ಹೈದ್ರಾಬಾದ, ಧಾರವಾಡ ಗಳಲ್ಲಿ ಉಪಚಾರ ಮಾಡಿಸಿದ್ದು ಇರುತ್ತದೆ. ಆದರು ಕೂಡಾ ಇನ್ನು ಪೂರ್ತಿ ಆರಾಮವಾಗಿರುವುದಿಲ್ಲ. ಹೀಗಿರುವಾಗ ದಿನಾಂಕ: 09/02/2015 ರಂದು 10-30 ಎ.ಎಮ್.ಕ್ಕೆ ನನ್ನ ಅಣ್ಣ ಎಲ್ಲಪ್ಪ ಇವರು ಮನೆಯಿಂದ ಹೇಳದೆ ಕೆಳದೆ ಹೋಗಿದ್ದು ಅಂದು ಸಾಯಂಕಾಲ ಮರಳಿ ಬಂದಿರುವುದಿಲ್ಲಾ. ಅಂದಿನಿಂದ ಇಲ್ಲಿಯವರೆಗೆ ನಾವು ಎಲ್ಲಾ ಕಡೆಗೆ ಹುಡುಕಾಡಲಾಗಿ ಸಿಕ್ಕಿರುವುದಿಲ್ಲಾ ಕಾಣೆಯಾಗಿರತ್ತಾನೆ. ಅವರ ಮೈಮೇಲೆ ನೀಲಿ ಬಣ್ಣದ ಶರ್ಟ ಮತ್ತು ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ ಧರಿಸಿರುತ್ತಾರೆ. ಎತ್ತರ ಅಂದಾಜು 5’5’’ ಎತ್ತರ ಇದ್ದು, ಕೆಂಪು ಮೈಬಣ್ಣಯಿದ್ದು, ತೆಳ್ಳನೇಯ ಮೈಕಟ್ಟು ಇರುತ್ತದೆ, ತಲೆಯ ಮೇಲೆ ಕಪ್ಪು ಕೂದಲುಗಳಿರುತ್ತವೆ. ಕನ್ನಡ, ಹಿಂದಿಯಲ್ಲಿ ಮಾತನಾಡುತ್ತಾರೆ.  ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಸ್ಟೇಷನ ಬಜಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

Kalaburagi District Reported Crimes

ಹಲ್ಲೆ ಪ್ರಕರಣಗಳು  :

ನಿಂಬರ್ಗಾ ಠಾಣೆ : ಶ್ರೀಮತಿ ನಿರ್ಮಲಾ ಗಂಡ ಚಂದ್ರಕಾಂತ ನಿಂಬಾಳ  ಸಾ|| ಕವಲಗಾ ಇವರಿಗೆ  ಹಾಗೂ ತನ್ನ ಗಂಡನಾದ ಚಮದ್ರಕಾಂತನಿಗೆ ಮೈದುನನಾದ ಲಕ್ಷ್ಮಿಪುತ್ರನಿಗೆ ನಗೇಣಿಯವರಾದ ಜ್ಯೋತಿ ಮತ್ತು ಸವಿತಾ ಇವರೆಲ್ಲರಿಗೂ ದಿನಾಂಕ 19/03/2015 ರಂದು 1630 ಗಂಟೆಗೆ ಫೀರ್ಯಾಧಿಯ ಮನೆಯ ಮುಂದೆ ಆರೋಪಿತರಾದ 01] ಕಲ್ಯಾಣಿ ತಂದೆ ಶ್ರೀಮಂತ ನಿಂಬಾಳ, 02] ಶರಣಮ್ಮ ಗಂಡ ಶ್ರೀಮಂತ ನಿಂಬಾಳ, 03] ಶಿವಮ್ಮಾ ತಂದೆ ಶ್ರಿಮಂತ ನಿಂಬಾಳ ಸಾ|| ಎಲ್ಲರೂ ಕವಲಗಾ ಇವರು ಬಟ್ಟೆ ತೋಳೆಯುವ ನೀರು ಆಕಸ್ಮಿಕವಾಗಿ ಸಿಡಿದಿದ್ದರಿಂದ ಮತ್ತು ಹೊಟ್ಟ ಕಿಚ್ಚು ಸ್ವಭಾವದಿಂದ ಜಗಳ ತೆಗೆದು ಅವಾಚ್ಯ ಬೈದು ಕೈಯಿಂದ ಹೊಡೆ ಬಡೆ ಮಾಡಿ ಕೊಯಿತಾ ತೋರಿಸಿ ಜೀವ ಭಯಪಡಿಸಿರುತ್ತಾರೆ ಅಂಥಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ನಿಂಬರ್ಗಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿಶ್ವವಿದ್ಯಾಲಯ ಠಾಣೆ : ಶ್ರೀ ರೇವಣಸಿದ್ದಪ್ಪ ತಂದೆ ಅಂಬಣ್ಣ ಪುಜಾರಿ ಇವರಿಗೆ ಸೇರಿದ ಇಟಗಾ ಅಹ್ಮದಾಬಾದ ಗ್ರಾಮದ ಹೊಲ ಸರ್ವೆ ನಂ 23/ಎ ವಿಶ್ತೀರ್ಣ 2 ಎಕರೆ ನೇದ್ದರಲ್ಲಿ ಆರೋಪಿತರಾ 1) ಬಾಬಾ ತಂದೆ ಮಶಾಕ ಪಟೇಲ 2) ಖಾಜಾ 3) ಲಾಲಪಾಶಾ 4) ಜುಬೇದಾ ಬೀ 5) ಗೋರಿಬೀ ಇವರೆಲ್ಲರೂ ಸೇರಿಕೊಂಡು ಅತಿಕ್ರಮ ಪ್ರವೇಶ ಮಾಡಿ ಹೊಲದಲ್ಲಿ ಬೆಳದ ನಿಂತ ಬೇಳೆಯನ್ನು ಪುನಃ ನೇಗಿಲು ಹೊಡೆಯುತ್ತಿದ್ದಾಗ,  ಯಾಕೆ ನನ್ನ ಹೊಲದಲ್ಲಿನ ಬೆಳೇ ನಾಶ ಮಾಡುತ್ತಿದ್ದೀರಿ ಅಂತ ಕೇಳಿದಕ್ಕೆ  ಎಲ್ಲರು ಸೇರಿಕೊಂಡು ಹೊಡೆ ಬಡೆ ಮಾಡಿ ಜೀವದ ಬೇದರಿಕೆ ಹಾಕಿ  ಗುಪ್ತಗಾಯ ಪಡಿಸಿ ಹೊಲದಲ್ಲಿನ ಬೇಳೆಯನ್ನು ನಾಶ ಮಾಡಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಸದ ಮೇಲಿಂದ ವಿಶ್ವವಿದ್ಯಾಲಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

Kalaburagi District Reported Crimes

ಗಾಂಜಾ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯ ಬಂಧನ :

ಜೇವರ್ಗಿ ಠಾಣೆ : ದಿನಾಂಕ 19.03.2015 ರಂದು ಜೇವರ್ಗಿ ಪಟ್ಟಣದ ಹೊಸ ಬಸ್‌ನಿಲ್ದಾಣದಲ್ಲಿ ಒಬ್ಬ ವ್ಯಕ್ತಿಯು ಕೆಂಪು ಬಣ್ಣದ ಬೆನ್ನಿಗೆ ಹಾಕುವ ಬ್ಯಾಗ್‌ ಮತ್ತು ಪ್ಲಾಸ್ಟೀಕ್  ಚೀಲದಲ್ಲಿದ್ದ ಗಾಂಜಾ ಮಾರಾಟ ಮಾಡುತ್ತಿದ್ದಾನೆ, ಅಂತ ಖಚಿತ ಬಾತ್ಮಿ ಬಂದ ಮೇರೆಗೆ ಶ್ರೀ. ಲಕ್ಷ್ಮಣ. ಬಿರಾದಾರ ಎ.ಎಸ್.ಐ ಜೇವರ್ಗಿ ಹಾಗು ಶ್ರೀ. ಬಾಬು ದೇಸಾಯಿ ಸಿಪಿಸಿ 917, ಶ್ರೀ. ಬೀರಣ್ಣ ಸಿಪಿಸಿ 1187, ಶ್ರೀ. ಮಲ್ಲಿಕಾರ್ಜುನ ಸಿಪಿಸಿ 841 ಶ್ರೀ. ತುಕಾರಾಮ ಸಿಪಿಸಿ 219 ಮತ್ತು ಪಂಚರೊಂದಿಗೆ ಸದರಿ ಗಾಂಜಾ ಮಾರಾಟ ಮಾಡುತ್ತಿದ್ದ ಬಗ್ಗೆ ಮಾಹಿತಿ ತಿಳಿಸಿ ದಾಳಿ ಮಾಡಲು ಕೇಳಿ ಮಾನ್ಯ ಸಿಪಿಐ ಸಾಹೇಬರ ನೇತ್ರತ್ವದಲ್ಲಿ  ಮಾನ್ಯ ಡಿ.ವಾಯಿ.ಎಸ್.ಪಿ ಸಾಹೇಬ ಕಲಬುರಗಿ ರವ್ರ ಮಾರ್ಗದರ್ಶನದಲ್ಲಿ ಜೇವರಗಿ ಹೊಸ ಬಸ್ ನಿಲ್ದಾಣದ ಮೇನ್‌ಗೇಟಿನ ಹತ್ತಿರ ಹೋಗಿ ನೋಡಲು ಅಲ್ಲಿ ಒಬ್ಬ ಮನುಷ್ಯನು ತನ್ನ ಕೈಯಲ್ಲಿ ಕೆಂಪು ಬಣ್ಣದ ಬೆನ್ನಿಗೆ ಹಾಕುವ ಬ್ಯಾಗ್‌ದೊಂದಿಗೆ ಮತ್ತು ಪ್ಲಾಸ್ಟೀಕ್ ಚೀಲದೊಂದಿಗೆ ಬರುತ್ತಿರುವದನ್ನು ನೋಡಿ ಅವನ ಹತ್ತಿರ ಹೋಗುತ್ತಿದ್ದಂತೆ ಅವನು ನಮ್ಮನ್ನು ನೋಡಿ ಬಸ್‌ ನಿಲ್ದಾಣದ ಒಳಗಡೆ ಓಡಿ ಹೋಗುತ್ತಿದ್ದಾಗ ಅವನಿಗೆ ಬೆನ್ನು ಹತ್ತಿ ಹಿಡಿದು ವಿಚಾರಿಸಲು ಅವನು ಸರಿಯಾದ ಮಾಹಿತಿ ನೀಡದೆ ಇರುವದರಿಂದ ಅವನ ಮೇಲೆ ಸಂಶಯ ಬಂದು ಅವನ ಹತ್ತಿರ ಇದ್ದ ಬ್ಯಾಗ್‌ ಮತ್ತು ಚೀಲವನ್ನು ಪಂಚರ ಸಮಕ್ಷಮ ಪರಿಶೀಲಿಸಿ ನೋಡಲು ಸದರಿ ಚೀಲಗಳಲ್ಲಿ ಗಾಂಜಾ ಇದ್ದು ಅವನಿಗೆ ಹೆಸರು ಕೇಳಲು ತನ್ನ ಹೇಸರು ಖಲೀಲ ತಂದೆ ಆಬೀದ ಮುನ್ಸಿ ಸಾ|| ಜೇವರಗಿ ಕೆ ಅಂತ ಹೇಳಿದನು. ಈ ಗಾಂಜಾವನ್ನು ಎಲ್ಲಿಂದ ತಂದಿರುವ ಬಗ್ಗೆ ಕೇಳಲು ಅವನು ಸದರಿ ಗಾಂಜಾವನ್ನು ಕುಮ್ಮನ ಸಿರಸಗಿ ಗ್ರಾಮದ 1) ಸಿದ್ದಪ್ಪ ತಂದೆ ಕಲ್ಲಪ್ಪ ಸಂಕಾಲಿ 2) ಶರಣಪ್ಪ ತಂದೆ ಸಾಹೇಬಗೌಡ ಕುದರಗುಂಡ  ಇವರ ಕಡೆಯಿಂದ ತಂದಿರುವ ಬಗ್ಗೆ ಹೇಳಿದನು. ನಂತರ ಸದರಿ ಗಾಂಜಾವನ್ನು ನೋಡಲು ಕೆಂಪು ಬ್ಯಾಗಿನಲ್ಲಿ ಅಂದಾಜು ಅರ್ಧ ಕೆ.ಜಿ ಯಷ್ಟು ಮತ್ತು ಪ್ಲಾಸ್ಟೀಕ್ ಚೀಲದಲ್ಲಿ ಅಂದಾಜು ಒಂದೂವರೆ ಕೆ.ಜಿ ಯಸ್ಟು ಗಾಂಜಾ ಇದ್ದು ಅದರ ಒಟ್ಟು ಅಂದಾಜು ಕಿಮ್ಮತ್ತು  5000/- ರೂ ಆಗುತ್ತಿದ್ದು,  ಸದರ ಬ್ಯಾಗಳನ್ನು ಗಾಂಜಾ ಂಆರಾಟ ಮಾಡುತ್ತಿದ್ದ  ವ್ಯಕ್ತಿಯನ್ನು ವಶಕ್ಕೆ ತೆಗೆದುಕೊಂಡು ಸದರಿಯವನೊಂದಿಗೆ ಜೇವರ್ಗಿ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.

ಅಪಘಾತ ಪ್ರಕರಣಗಳು :

ನಿಂಬರ್ಗಾ ಠಾಣೆ : ದಿನಾಂಕ 19/03/2015 ರಂದು ಮಾರೇಶ, ರಾಜೇಂದ್ರ ತಂದೆ ಲಕ್ಷ್ಮಣ ಕೆರೂರ, ಅಂಬಾರಾಯ ತಂದೆ ಶಿವಪುತ್ರಪ್ಪ ಕೇರೂರ, ಕಾಂತಪ್ಪ ತಂದೆ ರೇವಣಪ್ಪ ಕೇರೂರ, ಅಮೃತ ತಂದೆ ಶರಣಪ್ಪ ಹಂಗರಗಿ, ಬೀರಣ್ಣಾ ತಂದೆ ಶರಣಬಸಪ್ಪ ಕೇರೂರ ಎಲ್ಲರೂ ಸೇರಿ ಗೇಮು ರಾರೋಡ ಇವರ ಹೊಲದಲ್ಲಿ ಕಬ್ಬು ಕಟಾವು ಮಾಡಿ ಲಾರಿ ನಂ. ಎಮ.ಹಚ್ 25, ಬಿ 9407 ನೇದ್ದರಲ್ಲಿ ಲೋಡ ಮಾಡಿ  ಹೊಲದಿಂದ ಭೂಸನೂರ ಫ್ಯಾಕ್ಟರಿಗೆ ಸಾಗಿಸಲು ಅಂತ ಹೊರಟಾಗ ಲಾರಿ ಕ್ಯಾಬೀನದಲ್ಲಿ ಮಾರೇಶ, ರಾಜೇಂದ್ರ ತಂದೆ ಲಕ್ಷ್ಮಣ ಕೆರೂರ, ಅಂಬಾರಾಯ ತಂದೆ ಶಿವಪುತ್ರಪ್ಪ ಕೇರೂರ ಕುಳಿತಿದ್ದು ಲಾರಿ ಚಾಲಕನಾದ ಅಬ್ಬಾಸಲಿ ತಂದೆ ಬಾಬಾಸಾಬ ಸಾ|| ಸುಂಟನೂರ ಇತನು ತನ್ನ ವಶದಲ್ಲಿದ್ದ ಲಾರಿ ನಂ.ಎಮ.ಹಚ್  25, ಬಿ 9407 ನೇದ್ದನ್ನು ಅತೀ ವೇಗ ಮತ್ತು ನಿಷ್ಕಾಳಜಿತನಿಂದ ಚಲಾಯಿಸಿ  ಭೂಸನೂರ ಫ್ಯಾಕ್ಟರಿ ಕ್ರಾಸ ಹತ್ತಿರ ಇರುವ ಇಳಿಜಾರಿನಲ್ಲಿ ಪಲ್ಟಿ ಹೊಡೆಸಿದ್ದು ಸದರಿ ಅಪಘಾತದಲ್ಲಿ ರಾಜೇಂದ್ರ, ಅಂಬಾರಾಯ ಇಬ್ಬರಿಗೂ ಭಾರಿ ರಕ್ತಗಾಯ ಮತ್ತು ಗುಪ್ತಗಾಯಗಳಾಗಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದು ನನಗೂ ಮತ್ತು ಅಬ್ಬಾಸಲಿ ಇಬ್ಬರಿಗೂ ಭಾರಿ ಮತ್ತು ಸಾದಾ ರಕ್ತ ಮತ್ತು ಗುಪ್ತಗಾಯಗಳಾಗಿರುತ್ತವೆ ಅಂತಾ ಶ್ರೀ ಮಾರೇಶ ತಂದೆ ನಾಗಪ್ಪಾ ಕೇರೂರ  ಸಾ|| ಬಸವಂತವಾಡಿ  ರವರು ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ನಿಂಬರ್ಗಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮಾಡಬೂಳ ಠಾಣೆ : ದಿನಾಂಕ-19/03/2015 ರಂದು ಶ್ರೀ ಗುಂಡೆರಾವ ತಂದೆ ರಾಮಜಿರಾವ ಕುಲಕರ್ಣಿ ಸಾ : ಖೂಬಾ ಲೇ ಔಟ ಹಿರಾಪೂರ ಕಲಬುರಗಿ ರವರ ಮಗ ಪ್ರಶಾಂತ ಈತನು ಮೋಟಾರ ಸೈಕಲ ನಂ ಕೆಎ-37 ಹೆಚ್-9890 ನೇದ್ದರ ಮೇಲೆ ಸೇಡಂಕ್ಕೆ ಬಂದು ನಮ್ಮೆಲ್ಲರೊಂದಿಗೆ ಮಾತಾಡಿ ಕಲಬುರಗಿಯಲ್ಲಿ ಕೆಲಸವಿದೆ ನಾನು ಹೋಗುತ್ತೇನೆ ಅಂತಾ ಹೇಳಿ ಅದೇ ಮೋಟಾರ ಸೈಕಲ  ಮೇಲೆ ಸಾಯಾಂಕಾಲ ಹೋದನು ನಂತರ ನಾನು ಮಗ ಮುಟ್ಟಿರುತ್ತಾನೆ ಅಥವಾ ಇಲ್ಲವೋ ಅಂತಾ ಮಗನ ಮೋಬಾಯಿಲಗೆ ಪೋನ್ ಮಾಡಿದಾಗ ಮಾಡಬೂಳ ಠಾಣೆಯ ಪೊಲೀಸನವರು ಮಾತಾಡಿ ಈ ಪೋನ್ ಯಾರಾದೋ ಅಂತ ಕೇಳಿದಕ್ಕೆ ನಮ್ಮ ಮಗ ಪ್ರಶಾಂತನದು ಅಂತಾ ಹೇಳಿದಾಗ ನಿಮ್ಮ ಮಗ ಇವಣಿ ಕ್ರಾಸ್ ಹತ್ತಿರ ರಸ್ತೆ ಅಪಘಾತದಲ್ಲಿ ಮೃತ ಪಟ್ಟಿರುತ್ತಾನೆ ಶವವನ್ನು ನಾವು ಜಿಲ್ಲಾ ಆಸ್ಪತ್ರೆ ಕಲಬುರಗಿಯಲ್ಲಿ ಕಳುಸಿರುತ್ತೇವೆ ಅಂತಾ ಹೇಳಿದರಿಂದ ನಾನು ಮತ್ತು ನನ್ನ ಹೆಂಡತ್ತಿ ಹಾಗೂ ಮಗಳು ರಾತ್ರಿ 10 ಗಂಟೆ ಸುಮಾರಿಗೆ ಬಂದು ನೋಡಲಾಗಿ ನನ್ನ ಮಗನೆ ಇದ್ದು ಆತನ ತೆಲೆ ಒಡೆದು ಭಾರಿ ರಕ್ತಗಾಯವಾಗಿ ಮೃತ ಪಟ್ಟಿದ್ದು ವಿಷಯ ಹಾಜರಿದ್ದ ಶ್ರೀ ಸಿದ್ರಾಮಪ್ಪಾ ಎ.ಎಸ್.ಐ ರವರಿಗೆ ವಿಚಾರಿಸಲಾಗಿ ನಿಮ್ಮ ಮಗನಿಗೆ ಯಾವುದೋ ಒಂದು ವಾಹನ ಡಿಕ್ಕಿ ಪಡಿಸಿ ಈ ಘಟನೆ ನಡೆದಿರುತ್ತದೆ ಅಂತಾ ತಿಳಿಸಿದ್ದು ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಮಾಡಬೂಳ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಲ್ಲೆ ಪ್ರಕರಣಗಳು :

ನಿಂಬರ್ಗಾ ಠಾಣೆ : ಶ್ರೀಮತಿ ಭಾಗಮ್ಮಾ ಗಂಡ ರೇವಣಪ್ಪ ಭಂಗರಗಿ ಸಾ|| ಧುತ್ತರಗಾಂವ ಇವರು ದಿನಾಂಕ  18/03/2015 ರಂದು ನಾನು ಕುರಿ ಕಾಯಲು ಹೋದಾಗ ಆಕಸ್ಮಿಕವಾಗಿ ನನ್ನ ಕುರಿಗಳು ನಮ್ಮೂರಿನ ಭೀಮಶಾ ತಂದೆ ಚನ್ನಪ್ಪ ರಾಜೋಳ ಈತನು ಮಾಡಿದ ಶಿವಶರಣಪ್ಪ ತಡಕಲ ಇವರ ಹೊಲದಲ್ಲಿ ಹೋಗಿದ್ದರಿಂದ ದಿನಾಂಕ 19/03/2015 ರಂದು ನಾನು ಆತನ ಹೋಟೇಲ ಮುಂದಿನ ರೋಡಿನ ಮೇಲೆ ಹಾದು ಹೋಗುತ್ತಿದ್ದಾಗ ನನಗೆ ಆತನು ಏ ರಂಡಿ ನಿನಗೆ ಎಷ್ಟು ಸೊಕ್ಕ ಬಂದಾದ ನಾನು ಮಾಡಿದ ಹೊಲದಾಗ ಕುರಿ ಬಿಟ್ಟಿದ್ದಿ ನಿನಗೆ ಇಡಂಗಿಲ್ಲ ಅಂತ ಬೈದನು ಆಗ ಆತನ ಹೆಂಡತಿಯಾದ ತಂಗೆಮ್ಮ ಇವಳು ಅಲ್ಲಿಗೆ ಬಂದು ನನಗೆ ತಡೆದು ನಿಲ್ಲಿಸಿ  ಈ ರಂಡಿಗೆ ಸೊಕ್ಕು ಬಹಳ ಬಂದಾದ ಅಂತ ಅವಾಚ್ಯವಾಗಿ ಬೈದು ತನ್ನ ಕೈಯಲ್ಲಿದ್ದ ಬಡಿಗೆಯಿಂದ ನನ್ನ ಬಲಗೈಗೆ ಹಸ್ತಕ್ಕೆ ಹೊಡೆದು ಭಾರಿರಕ್ತಗಾಯಪಡಿಸಿರುತ್ತಾಳೆ,  ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ನಿಂಬರ್ಗಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನಿಂಬರ್ಗಾ ಠಾಣೆ : ಶ್ರೀಮತಿ ತಂಗೆಮ್ಮ ಗಂಡ ಭೀಮಶಾ ರಾಜೋಳ ಸಾ|| ಧುತ್ತರಗಾಂವ ಇವರು ದಿನಾಂಕ  18/03/2015 ರಂದು ನಮ್ಮೂರಿನ ಭಾಗಮ್ಮಾ ಗಂಡ ರೇವಣಪ್ಪ ಭಂಗರಗಿ ಇವಳು ನನ್ನ ಗಂಡ ಮಾಡಿದ ಶಿವಶರಣಪ್ಪ ತಡಕಲ ಇವರ ಹೊಲದಲ್ಲಿ ಕುರಿ ಬಿಟ್ಟಿದ್ದು, ಇದರ ಬಗ್ಗೆ ನಾನು ದಿನಾಂಕ  19/03/2015 ರಂದು ನಾನು ನಮ್ಮ ಹೋಟೆಲ್ ಮುಂದಿನ ರೋಡಿನ ಮೇಲೆ ಅವಳು ಮತ್ತು ಅವಳ ಗಂಡ ಹೊಲಕ್ಕೆ ಹೊರಟಾಗ ಕೇಳಿದ್ದಕ್ಕೆ ಭಾಗಮ್ಮಳು ನನಗೆ ಏ ರಂಡಿ ನಾನು ಕುರಿ ಬಿಟ್ಟಿನಿ ಏನು ಮಾಡಕೋತಿ ಮಾಡಕೋ ಅಂತ ಅವಾಚ್ಯವಾಗಿ ಬೈದಳು ಅದಕ್ಕೆ ನಾನು ಹೀಗೆ ಅಂದರ ಹೆಂಗೆ ಅಂತ ಅಂದಿದ್ದಕ್ಕೆ ಅವಳು ತನ್ನ ಕೈಯಲ್ಲಿದ್ದ ಕುರಿ ಕಾಯುವ ಬಡಿಗೆಯಿಂದ ಹಣೆಯ ಮೇಲೆ ಹೊಡೆದು ರಕ್ತಗಾಯಪಡಿಸಿದಳು ಅವಳ ಗಂಡನಾದ ರೇವಣಪ್ಪ ಬಂಗರಗಿ ಈ ರಂಡಿಗೆ ಬಿಡಬೇಡ ಸೊಕ್ಕು ಬಂದಾದ ಅಂತ ಬೈಯುತ್ತಿದ್ದಾಗ ಅಲ್ಲಿಯೇ ಇದ್ದ ನಮ್ಮೂರಿನ ಈರಣ್ಣಾ ಮೇತ್ರೆ, ಬೀರಣ್ಣಾ ತಂದೆ ಸಿದ್ರಾಮ ಕೊರಳ್ಳಿ ಇವರು ಬಂದು ಬಿಡಿಸಿರುತ್ತಾರೆ. ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ನಿಂಬರ್ಗಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.